Устудьуоннар ыарыһах оҕолорго көмөлөһөллөр

0
95

Дьокуускайдааҕы медицинскэй колледж устудьуоннара арт-терапия көмөтүнэн Медицинэ национальнай киинин педиатрическэй салаатын кыра пациеннарыгар көмөлөһөллөр. Волонтердар онко-ыарыылаах оҕолорго бу күннэргэ «Үөрүү-көтүү уруога» бырайыак чэрчитинэн Медицинэ киинин «Күннээх куоратыгар» маастар-кылаастары тэрийэн ыыттылар.


Ыарыһах оҕолор күннээҕи олохторун чэпчэтэр, ыарыыларын умуннарар сыаллаах тэрээһиннэр «МегаФон» ПАУо коммерческай өйөбүлүнэн ыытыллаллар. Онко-ыарыылаах оҕолор педиатрическай балыыһаҕа хас да ыйы быһа, сорохтор сылы-сыллаан сыталлар. Онон маннык тэрээһиннэр оҕолорго үтүө эрэ дьайыылаахтар.

Волонтердар бөлөхтөрүн координатора Фаина Филиппова кэпсииринэн, устудьуоннар оҕолору кытары уруһуйдууллар, аппликациялары, араас интэриэһинэй оҥоһуктары оҥороллор.

2a8e2171-fbab-4bed-b29a-a0aca0d90499

Маннык аһымал акциялары мобильнай хампаанньа оператора тиһигин быспакка ыытар. Хампаанньа Саха сиринээҕи салаатын дириэктэрэ Александр Костерин иһитиннэрбитинэн, Уһук Илин регион алта куоратыгар маннык хабааннаах уруоктар ыытыллыбыттар. Уопсайа 420 оҕо хабыллыбыт.

2
0