29 Кулун тутар 29.03
  • -10°
  • $ 92,26
  • 99,71

Устудьуоннар тутар этэрээттэрэ Мииринэй улууһугар үлэлииллэр

18:01, 13 июля 2020
Текст:
Читайте нас на
Яндекс Новости
ЯДВ

Мииринэй улууһугар 32 киһилээх биэс устудьуон тутар этэрээтэ үлэлиир. Уоннуу киһилээх бөлөхтөр Чернышевскай бөһүөлэгэр уонна Мииринэй куоракка үлэлии сылдьаллар. Атыттар Удачнайга, Светлэйгэ, Алмазнайга. Бу туһунан СИА улуус дьаһалтатын пресс-сулууспатыгар сигэнэн иһитиннэрэр.


«Ыччаттар үлэҕэ баҕалаахтар. Кинилэр бары «Россия устудьуоннарын этэрээттэрин» (Российские студенческие отряды) чилиэннэрэ. Кылгас да кэмҥэ буоллар эдэр дьон бастакытын үлэлээн холонуохтара, хамнас аахсыахтара, олохторугар бастакы үлэ ыстааһын сурунуохтара»,  — диэн улуустааҕы ыччат кэмитиэтин салайааччытын солбуйааччы Леонид Жалсараев кэпсиир.

«Ыччаттар үксүн Мииринэй куоратын тупсарыыга, көҕөрдүү үлэтигэр сылдьаллар», — диэн «МПЖХ» ХЭТ инженер-технолога Любовь Зачетова кэпсиир.

Санкт-Петербурдааҕы политехническай университет устудьуона, этэрээт хамандыыра Виктория Сипигина тутар этэрээт үлэтин туһунан социальнай ситимтэн билбитин туһунан этэр. Кинини кытары Новосибирскай, Мииринэй куорат устудьуоннара үлэлииллэрин кэпсиир. «Сарсыарда аҕыс чаастан киэьэ биэскэ диэри үлэлиибит. Үлэбитин сөбүлүүбүт, атырдьах ыйыгар салгыы үлэлиир санаалаахпыт», — диир Виктория.

Устудьуоннар тутар этэрээттэрэ Мииринэй улууһугар төрдүс сайыннарын үлэлииллэр. Атырдьах ыйыгар эбии 48 байыас кэлэрэ күүтүллэр, олортон 20-тэ Мииринэй куоракка үлэлиэхтэрэ. Кинилэр үлэлэрин оройуоннааҕы ыччат комитета уонна Россия устудьуоннарын этэрээттэрин Саха сиринээҕи салаата салайар. Эдэр дьон ыйга 30 тыһ солкуобайы аахсаллар. Хамнастарын өрөспүүбүлүкэ, улуус, куорат үбүттэн кыттыһан төлүүллэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар