«Уран иис» диискэтэ уран тарбахтаахтарга ананна

0
81

Саха сирин норуоттарын музыкатын уонна фольклорун музейыгар ураты тэрээһин буолла. Бу туһунан музей наукаҕа сотруднига Мария Корнилова иһитиннэрдэ.


img-20161230-wa0009

Биһиги музейбыт көҕүлээһининэн, иистэниэн, быысыбайдыан, оҕуруону тигэ үөрэниэн баҕалаах дьахталларга олус туһалаах көрсүһүү буолла. Ол курдук, «Уран иис» маастарыстыба уһуйаанын үөрэтэр-көрдөрөр дискэтэ сүрэхтэннэ. История наукатын кандидата, М.Аммосов аатынан ХИФУ илиҥҥи норуоттар тылларын уонна култуураларын үөрэтэр институт доцена, «Уран иис» маастарыстыба уһуйаанын салайар Светлана Петрова көрдөрөр, үөрэтэр методическай хабааннаах дискэтигэр маастардар үлэлэрин билиһиннэрэллэрэ, уран тарбахтаахтар сүбэлэрэ-амалара киирбитэ болҕомтону тарта, — диир Мария.

Бу күн  көрсүһүүгэ мустубут ыалдьыттар атimg-20161230-wa0010ах тэпсэн олорон ирэ-хоро сэһэргэспиттэр. Ыйытыыларыгар толору хоруйдары ылан астыммыттар. Аныгы үйэ дьахталлара иис, быысыбай, оҕуруонан тигии, кылынан өрүү, кыбытан-аттаран тигии, о.д.а. кистэлэҥнэргэ ымпыгар-чымпыгар тиийэ үөрэнэллэриттэн улаханнык үөрбүттэрин, диискэни сэҥээрбиттэрин эппиттэр. Түмүккэ, тэрээһиҥҥэ сылдьыбыт ыалдьыттар маннык туһалаах көрсүһүүлэр кэлэр да өттүгэр салҕаналларыгар баҕарбыттар.


 

 

0
0

Хоруй суох

Хоруйдаа