Улуустарга уматыгы тиэрдии былаан быһыытынан барар

0
244

Сайын окко эрэ былдьаһыктаах күннэр үүммэттэр. Улуустарга уматыгы тиэрдии эмиэ биир сүрүн болҕомто быһыытынан, инники күөҥҥэ турар. Сайын уу суолунан улуустарга уматык тиэрдилиннэҕинэ эрэ барыта этэҥҥэ буолар.


«Якутсэнерго» ПАУо иһинэн баар «Сахаэнерго» АУо өрөспүүбүлүкэ 23 хоту улуустарыгар уматыгы тиэрдиини саҕалаата. Санатар буоллахха, Бүлүү бөлөх уонна Амма улуустарыгар тиэрдиллиэхтээх уматык былаана туолла.

Денис Максимов, «Сахаэнерго» АУо уматыгынан хааччыйыы управлениетын начаалынньыга:
– Уматыгы тиэйии былаан быһыытынан баран иһэр. Бүгүҥҥү күҥҥэ Алдан өрүһүнэн тиэйиллиэхтээх уматык 100 % итиинэн хааччыйар хампаанньаларга тиэрдилиннэ, ол 7915 тоннаҕа тэҥнэһэр.
Былаан быһыытынан, Индигир өрүһүнэн 6100 т, Халыманан 13150 т, Өлүөнэнэн 22920 т уматык тустаах аадырыстарга тиэрдиллиэхтээх. От ыйын 15 күнүнээҕи туругунан, Өлүөнэ өрүһүнэн тиэрдиллиэхтээх уматыктан 9890 тонната суудуналарга тиэллибитэ. 8544 т тустаах аадырыска тиэрдилиннэ, ол 37 %-ҥа тэҥнэһэр.
Дьааҥы өрүһүнэн Усуйаана, Эбээн Бытантай уонна Дьааҥы улуустарыгар тиэрдиллиэхтээх 17350 т уматыктан 13100 тонната суудуналарга тиэллибитэ, бу былаантан 76 % буолар.

0
0