29 Кулун тутар 29.03
  • -14°
  • $ 92,26
  • 99,71

Улуустарга куоластааһын эбиэт кэннэ өссө сытыырхайда

18:15, 22 мая 2016
Текст:
Читайте нас на
Яндекс Новости
ЯДВ

«Биир ньыгыл Россия» партия ыыппыт барыллаан куоластааһына дьону сомоҕолоото. Дьон бэйэтин олоҕор олус эппиэтинэстээхтик сыһыаннаһарыттан, күнэ да туран биэрбититтэн буолуо, үлэлиэ-хамсыа диэн санаабыт кандидаттарын талыыга олус көхтөөхтүк кытталлар.


АММАҔА

Амма улууһугар барыта түөрт учаастагынан куоластааһын бара турар. Сарсыарда 8 чаастан саҕалаан дьон олус көхтөөхтүк кэлэн барыллааһын куоластааһыҥҥа кыттар.
«Мин куоласпын Галина Иннокентьевна Данчиковаҕа уонна Юрий Степанович Куприяновка биэрдим. Республикабыт бас-көс дьоно норуот санаатын күүскэ туруулаһыахтара диэн эрэллээхпин», — диэн этэр сотору кэминэн 80 сааһын томточчу туолаары сылдьар, Эмис нэһилиэгин олохтооҕо, үлэ бэтэрээнэ Октябрина Захарова. Күнүс 3 ч. туругунан уопсайа улуус үрдүнэн 2000-тан тахса киһи куоластаата. Бу туһунан Наталья Бубякина иһитиннэрдэ.

ЭБЭЭН-БЫТАНТАЙГА⁠⁠⁠⁠

Күнүс 4 чаастааҕы туругунан Эбээн-Бытантайга 470 киһи куоластаата.
Баатаҕай-Алыытыгар дьон сарсыардаттан олус көхтөөх. Быыбардааччыта аҕыйах кыра улуус буолан барыллааһын быыбара биир учаастакка бара турар. Эбиэт кэнниттэн эдэрдэр кэлитэлээн эрэллэр. Кус кэмэ, мас бэлэмнээһинэ, үлэ-хамнас үгэнэ да буоллар дьон кыттыыта куһаҕана суох. Кырдьаҕас быыбардааччы Иван Дмитриевич Архипов: «Хайаан куоластаабат буолуохпунуй республикам туһугар. Биир дойдулааҕым Юрий Куприяновы үлэлиэ, туруорсуо диэн эрэнэн туран, киниэхэ куоласпын биэрдим», — диэн Наталья Поповаҕа кэпсээтэ.

ЧУРАПЧЫГА

Чурапчы улууһугар баар бюллетень 92%-на  уурунаҕа угуллунна, дьон кэлиитэ үчүгэй диэн Афанасий Захаров быыбардыыр учаастакка тиийэн билсэн баран биллэрдэ.

Следите за самым важным и интересным в Telegram-канале и WhatsApp-группе ЯСИА