29 Кулун тутар 29.03
  • -11°
  • $ 92,26
  • 99,71

Улахан Аан Пахомовтара өрөспүүбүлүкэ бастыҥ үлэһит ыалларын бочуоттаах кинигэлэригэр киирдилэр

10:01, 13 июля 2020
Текст:
Читайте нас на
Яндекс Новости
ЯДВ

Хаҥалас улууһун Улахан Аан нэһилиэгин олохтоохторо — Пахомовтар дьиэ кэргэн өрөспүүбүлүкэ бастыҥ үлэһит ыалларын бочуоттаах кинигэлэригэр киирдилэр. Кинилэр холбоон 218 сыл үлэлээбит ыстаастаахтар. Бу туһунан СИА Хаҥалас улууһун пресс-сулууспатыгар сигэнэн иһитиннэрэр.


«Пахомовтар өрөспүүбүлүкэ, улуус тыатын хаһаайыстыбата сайдарыгар улахан кылааттаахтар. 200-тэн тахса сыл норуот хаһаайыстыбатын сайдыытыгар бэриниилээхтик үлэлээбит дьон эдэр дьоҥҥо холобур буолуохтарын сөп», — диэн улуус баһылыгын солбуйааччы Олег Иринеев Пахомовтарга сыралаах үлэлэрин, идэҕэ бэриниилэрин иһин махтал тылларын тиэртэ.

Аҕа баһылык Пахомов Иван Васильевич 45 сыл колхозка, совхозка оробуочайынан үлэлээбит. Тыыл, үлэ бэтэрээнэ, «Коммунистическай үлэ ударнига» бэлиэ хаһаайына, Аҕа дойду улуу сэриитин юбилейдаах мэтээлинэн, бочуоттаах грамоталарынан, өрөспүүбүлүкэ, улуус тыатын хаһаайыстыбатын салайааччыларын махтал суруктарынан бэлиэтэммит.

Ийэлэрэ Иринеева Валентина Степановна 34 сыл ынах ыаччынан үлэлээбит, 2-с Малдьаҕар нэһилиэгин бочуоттаах олохтооҕо, үлэ бэтэрээнэ, «Ийэ килбиэнэ» III степеннээх бэлиэ хаһаайката.

Кыыстара Прохорова (Пахомова) Вера Ивановна уонча сыл ынах ыаччынан, Булгунньахтаах совхоһун Улахан Ааннааҕы үүт собуотугар лаборанынан, маастарынан үлэлээбитэ.

Уоллара Николай Иванович Пахомов 1975 сыллаахтан «Бөртө» сылгы собуотугар оробуочайынан үлэлиир. Үлэ бэтэрээнэ, СӨ тыа хаһаайыстыбатын туйгуна.

Уоллара Степан Иванович Пахомов 35 сыл үлэлээбит ыстаастаах. Кыыстара Лебедева (Пахомова) Виктория Ивановна 24 сыл ынах ыаччынан, үүт ыамыгар үрдүк көрдөрүүлээҕинэн биллэрэ. Иккис кыыс Федорова Анна Ивановна тыа хаһаайыстыбатыгар 29  сыл үлэлээбитэ. Ынах ыаччыттан саҕалаан, кэлин бухгалтер идэтин баһылаан, күн бүгүнүгэр диэри «Бөртө» собуотугар үлэлии сылдьар. СӨ тыа хаһаайыстыбатын туйгуна.

Пахомовтар «Бөртө» сылгы собуота тэриллэригэр, атаҕар турарыгар улахан өҥөлөөхтөр. Кинилэр нэһилиэк спортивнай, общественнай олоҕор көхтөөх кыттыыны ылаллар.

Сиһилии манна аах https://ysia.ru/konezavod-b-rt-voshel-v-knigu-pocheta-luchshih-trudovyh-dinastij-yakutii/

Следите за самым важным и интересным в Telegram-канале и WhatsApp-группе ЯСИА