28 Кулун тутар 28.03
  • -11°
  • $ 92,59
  • 100,27

Украина мадьыныта Польшаҕа соһумардык өллө

21:25, 30 мая 2018
Текст:
Читайте нас на
Яндекс Новости
ЯДВ

Мас тардыһыыга Украина чөмпүйүөнэ, аан дойду Кубогын боруонса призера Владислав Минич Польшаҕа өллө. Бу туһунан Украина мас тардыһыытыгар федерацията фейсбукка баар страницатыгар иһитиннэрдэ.

edersaas.ru

«Украина мадьынылара ыар сүтүктэннилэр. Польшаҕа үлэлии сылдьан Херсон мас тардыһыыга федерациятын атлета,Украина чөмпүйүөнэ, 2017 сыллааҕы аан дойду Кубогын финалын 60 киилэҕэ диэри ыйааһыҥҥа боруонса призера Владислав Минич өллө», — диэн этиллэр иһитиннэриигэ.

Obozrevatel.ua дааннайынан, мадьыны ыаллыы судаарыстыбаҕа тутууга үлэлээбит. Мас тардыһыы федерациятын бэрэсидьиэнэ Валерий Газаев эппитинэн, Минич тымырын хаан бөлөнөҕө бүөлээн, тута тыына быстыбыт. 23 саастаах спортсмен өлүгүн Польшаттан аҕалыыга кини дьиэ кэргэнигэр 70 тыһыынча гривен (160 тыһыынчаттан тахса солкуобай) наада. Үбү хомуйуу тэриллэр.

Роман Попов, «Саха сирэ» хаһыат, edersaas.ru

0

0
Следите за самым важным и интересным в Telegram-канале и WhatsApp-группе ЯСИА