2017 сылга Уһук Илинтэн дьон көһөн барыыта икки төгүл аччаата. Бу туһунан РФ Уһук Илини сайыннарыыга миниистирин солбуйааччы Сергей Качаев “Уһук Илин демографическай сайдыыта” Бүтүн Россиятааҕы конференцияҕа эттэ.
“Кэнники кэмҥэ федеральнай уонна регион таһымыгар ылыллар миэрэлэр көмөлөрүнэн балаһыанньа тубуста, дьон көһөн барыыта аччаабыта бэлиэтэнэр. 2016 сылга 2013 сылы кытта тэҥнээтэххэ икки төгүл аччаата, 33 тыһыынчаттан 17 тыһыынча киһиэхэ диэри”, — диэн бэлиэтээтэ Сергей Качаев. Уһук Илин кэккэ регионнара 2017 сылга дьон эбиллиитин көрдөрөллөр. “Бу туох-ханнык иннинэ Саха сирэ, Сахалин уобалаһа, Камчатка кыраайа”, — диэн чопчулаата миниистири солбуйааччы.
“Уһук Илин демографическай сайдыыта” Бүтүн Россиятааҕы төрдүс конференция муус устар 3-4 күннэригэр ыытылла турар. Маны Россия Илиҥҥи сайдыыга министиэристибэтэ, Сахалин уобалаһа уонна Уһук Илин АРЧК тэрийэллэр.
