Бэс ыйын 8 күнүнээҕи туругунан, «Уһук Илиҥҥи региоҥҥа сири босхо түҥэтии» бырагыраама чэрчитинэн Федеральнайдааҕы информационнай систиэмэ нөҥүө бастакы учаастактар сири туттууга бэрилиннилэр. Бу туһунан Уһук Илиҥҥэ киһи хапытаалын сайыннарыыга агентство пресс-сулууспата иһитиннэрэр.
Бырагыраама чэрчитинэн, бастакы икки учаастак Хабаровскай кыраай Амур оройуонугар бэрилиннэ. Өссө биир дуогабар түһэрсиитин таһымыгар сылдьар.
«Бырагыраама үлэлиэҕиттэн биир нэдиэлэ иһигэр учаастактар туһаныыга барбыттара, дьаһал ситиһиилээхтик үлэлиирин көрдөрөр. Онон салгыы дьон интэриэһин тардан, олоххо киириитэ тэтимириэ», — диэн Агентство дириэктэрэ Валентин Тимаков эттэ.
This post was published on 09.06.2016 11:30 11:30