29 Кулун тутар 29.03
  • -13°
  • $ 92,26
  • 99,71

Уһук Илиҥҥэ самолетунан тиэйиини субсидиялааһыҥҥа 400 мөл солк. көрүллүөҕэ

16:32, 07 сентября 2018
Текст:
Читайте нас на
Яндекс Новости
ЯДВ

Быйыл Арассыыйа киин куораттартан Уһук Илиҥҥэ субсидиялаах авиатиэйиилэргэ  түөрт сүүс мөлүйүөн солкуобай эбии көрүллүөҕэ.

“Тырааныспар сырыыта – Уһук Илиҥҥэ тутаах боппуруос, манна кыһалҕалар уонунан сылларга мунньуллубуттара. Мантан бу сиргэ дьон олоҕун таһыма тутулуктаах. Ол иһин бу боппуруоһунан ыкса дьарыктанабыт уонна дьарыктаныахпыт, тырааныспар миниистирэ Евгений Иванович Дитрихтыын”, — диэн эттэ Арассыыйа Федерациятыгар Уһук Илини сайыннарыыга миниистирэ Александр Козлов.

Кини Уһук Илин регионнарын салайааччыларын, авиахампаанньалары, уматыгынан хааччыйааччылары, аэропорт тиһигэр эппиэттээхтэри түмэн, оробуочай бөлөҕү тэрийэр туһунан быһаарыы ылыммыттарын эттэ.

“Бүгүҥҥү биһиги сорукпут – чугастааҕы үс сылга саҥа бүддьүөтү торумнуур уонна сайыҥҥы сырыы расписаниетын оҥорор кэмҥэ бары кыһалҕалары туоратар быһаарыылары ылына охсуохтаахпыт”, — диэн бэлиэтээтэ  Александр Козлов.

Следите за самым важным и интересным в Telegram-канале и WhatsApp-группе ЯСИА