РФ Үөрэҕириитин министиэристибэтэ «Земскэй учуутал» бырагырааманан Уһук Илин регион тыатын сиригэр үлэлии бараччыларга биир кэмнээх төлөбүрү икки бүк үрдэтэр туһунан уураах барылын оҥордо. Докумуон нуорма-быраап акталарын бырайыактарын порталыгар таҕыста диэн суруйар «Парламентская газета». 


«Земскэй учуутал» бырагыраама 2020 сылтан үлэлиэхтээх. Тыа сиригэр эбэтэр кыра куораттарга (50 тыһ. диэри нэһилиэнньэлээх) үлэлии барар педагогтар судаарыстыбаттан биир мөлүйүөн солк ылаллар, ол оннугар үс сылтан биэс сылга диэри үлэлииллэр. Харчыларын дьиэ атыылаһыытыгар, ипотеканы сабыыга эбэтэр стажировканы ааһалларыгар туттуохтарын сөп, диэн вице-премьер Татьяна Голикова эттэ.

Үөрэҕирии министиэристибэтигэр биир кэмнээх төлөбүргэ эбии коэффициены «200 бырыһыаҥҥа диэри» улаатыннарарга этии киллэрилиннэ.

Докумуон Владимир Путин сорудаҕын толоруу чэрчитинэн бэлэмнэннэ.

2
0
comments powered by HyperComments