Арассыыйа Тырааныспарка министиэристибэтэ бу сыл бүтүөр диэри Уһук Илиҥҥэ субсидиялаах тарыыбынан тиэйиигэ 300 мөлүйүөн солкуобайы эбии биэрэргэ былаанныыр, диэн министиэристибэттэн иһитиннэрдилэр.
“Аэрофлот” алтынньы 16 күнүттэн Уһук Илин куораттарыгар, Калининградка уонна Симферофольга госбүддьүөттэн субсидиялары төлүүргэ бэрилибит үбү толору туһаныынан сибээстээн, субсидиялаах тарыыбынан билиэттэри атыылааһыны тохтотто, диэн РИА Новости иһитиннэрэр.
“Арассыыйа Тырааныспарка министиэристибэтэ “Аэрофлоту” кытта Уһук Илиҥҥэ субсидиялаах тарыыбынан тиэйиигэ эбии үбү суһаллык биэрэр туһунан боппуруоһу көрөллөр. 2018 сыл бүтүөр диэри субсидиялаах тарыыбы үбүлээһиҥҥэ Тырааныспар министиэристибэтин өттүттэн эбии 300 мөлүйүөн солкуобайы биэрэргэ сабаҕаланар”, — диэтилэр министиэристибэҕэ.
