Өймөкөөн улууһун Өймөкөөн нэһилиэгин олохтооҕо Зоя Ефимова быйыл аан дойдутааҕы Оҕо көмүскэлин күнүгэр чугас аймахтарын бастакы арбуһунан уонна оҕурсунан күндүлээбитэ 25 сыл үбүлүөйдээх сыла.
edersaas.ru
72 саастаах оҕуруотчут бастыҥа киһи бу сыллар тухары бу оҕуруот астарын түннүгүн долбууругар олордор. Кулун тутар саҥатыгар сиэмэтин ыһар. «Огонек» — Михайловна саамай сөбүлээн олордор арбуһун көрүҥэ.
«Огонега» бэс ыйын 1 күнүгэр бачча кээмэйдэнэн, мааны дьон — сиэн уруу-аймах оҕолор күндүлэнэр бэлэхтэрэ.
Зоя Михайловна түннүгэр өссө клубника уонна оҕурсу олордор. «Бастакы боруоба» кэнниттэн оҕуруот астарын тэпилииссэҕэ көһөрөр.
Күһүн 10-тан тахса арбуһу үүннэрэн, сиэннэрин аны балаҕан ыйын 1 күнүгэр саҥа үөрэх сыла аһылларынан маанылыыр. Оҕолор, биллэн турар, сыл бу икки кэмин — күүтүүлээх каникул саҕаланыытын уонна оскуолаҕа киирии ахтылҕаннаах күнүн үөрэ-эрэнэ кэтэһэллэр.
Дьэ, ити курдук Тымныы полюһугар Өймөкөөҥҥө бэс ыйын 1 күнүгэр бастыҥ оҕуруотчут Зоя Ефимова бастакы арбуһу уонна оҕурсуну чугас дьонугар амсатта!
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа Марианна Заровняева түһэриитэ.
