29 Кулун тутар 29.03
  • -14°
  • $ 92,26
  • 99,71

Тыараһалар 1706 сүөһүлээх, 1279 сылгылаах күөххэ үктэннилэр

13:01, 10 июня 2021
Текст:
Читайте нас на
Яндекс Новости
ЯДВ

Тыараһа нэһилиэгэ 2976 туонна отунан кыстыгы этэҥҥэ туораан күөххэ үктэннэ. Биэс ый түмүгүнэн сүөһүтүн ахсаана 1706, ол иһигэр 535 ыанар ынах, 340 ньирэй күн сирин көрдө. Сылгы төбөтүн ахсаана 1279, олортон 714 биэ, саҥа 289 төрүөх кулуну тутта. Саас М.И. Игнатьев 30 тиҥэһэни Сунтаар Кириэстээҕиттэн атыылаһан аҕалан, бааһынай хаһаайыстыбатын төбөтүн ахсаанын элбэттэ.


Үүтү туттарыыга былырыыҥҥы квота 514 туонна эбит буоллаҕына, быйылгыга 436 туонна анаммыт. “Таатта” СПК анал массыыната күн аайы үүтү таһар. Ынах төбөтүн харчытын ылбыт 37 ыалтан икки ыал 10 солкуобайга СПК «Тааттаны» кытта дуогабардаһан туттара сылдьар. Саҥа механизмынан нэһилиэк 12 бааһынай хаһаайыстыбата «Кыйы» кооператив анал дуогабарыгар олоҕуран, 19 ыал 1 киилэ үүтү 60 солкуобайга туттара сылдьарыттан үөрэр.

Сыл саҕаланыытыгар нэһилиэнньэ 199 кууруссаны иитэрэ. Ыам ыйыгар 84, бу күннэргэ эбии 129 куурусса атыыланна.

Саха өрөспүүбүлүкэтин ФГБУ «Россельхозцентр» Тааттатааҕы филиалын сүрүн агронома Д.В. Петрова алаастарга аһыҥа үөскүүр туругун балаһыанньатын билэргэ проба ылан бэрэбиэркэлээтэ.

“Кыйы” СХПК ыһыыга бэлэмнэнэ сылдьар. 5 туонна эбиэс бурдук сиэмэтин 48 га сиргэ ыһарга былааннаах үлэни ыытар.

Тыараһа орто оскуолатын хаһаайыстыбата быйылгы ыһыыларыгар хортуоппуй, моркуоп, сүбүөкүлэ, оҕурсуу олортулар. Бу күннэргэ хаппыыста олордоору сылдьаллар, диэн нэһилиэк тыа хаһаайыстыбатын исписэлииһэ Күннэй Турнина кэпсээтэ https://www.instagram.com/gazetataatta/

Следите за самым важным и интересным в Telegram-канале и WhatsApp-группе ЯСИА