Ил Түмэн экономикаҕа, инвестицияҕа уонна промышленность бэлиитикэтигэр, предпринимательствоҕа, туризмҥа уонна инфраструктура сайдыытыгар сис кэмитиэтигэр арыгы атыытыттан аккаастанар туһунан сокуон барыллара өрөспүүбүлүкэ хас даҕаны нэһилиэнньэлээх пуунуттан киирдилэр.
Сокуон олоххо киирэр түгэнигэр, Абый улууһун Абыйыгар, Аллайыаха Ныычалааҕар, Амма Мээндигэтигэр, Үөһээ Бүлүү Сургулуугар, Эдьигээн Бэстээҕэр, Кэбээйи Тыайатыгар Сииттэтигэр, Ленскэй Бэчинчэтигэр, Нам Искратыгар, Өлүөхүмэ Бүрүгэр, Таас Анныгар, Сунтаар Устьетыгар, Таатта Хара Алданыгар, Хаҥалас Улахан Ааныгар уонна Еланкатыгар маҕаһыыннарга арыгы атыыта бобуллуо.
Бэс ыйын 1 күнүгэр ыытыллыбыт Ил Түмэн экономикаҕа, инвестицияҕа уонна промышленность бэлиитикэтигэр, предпринимательствоҕа, туризмҥа уонна инфраструктура сайдыытыгар сис кэмитиэтигэр ыытыллыбыт сүбэ мунньахха туһааннаах сокуон бырайыактарын өйүүллэрин туһунан норуот дьокутааттара эттилэр.
