Саха Өрөспүүбүлүкэтин бырабыыталыстыбатын мунньаҕар Ил Дархан тыа хаһаайыстыбатын салаатыгар судаарыстыбаннай өйөбүл бырагырааматыгар эрдэ көрүллүбүт үбүлээһини 3,35 млрд солк үрдэтэр этиитэ киллэрилиннэ, СИА суруйар.


Айсен Николаев регион бырабыыталыстыбатыгар тыа хаһаайыстыбатын салаатыгар судаарыстыбаннай бырагырааманан өйөбүлү эбэр туһунан өссө Чурапчы улууһугар командировкатын кэмигэр эппитэ. «Бүгүн тыа хаһаайыстыбатын салаатыгар оҥорон таһаарааччылар кыахтарын билиннилэр уонна бэйэлэрин хаһаайыстыбаларын сайыннарарга туруннулар. Биһиги кинилэри өйүүр соруктаахпыт», – диэбитэ Ил Дархан.

Бырайыак быһыытынан тыа хаһаайыстыбатын салаатыгар эбии 3,3 млрд солк көрөр туһунан сорук туруорулунна. Оччотугар уопсайа 9,7 млрд солк буолар.

Өрөспүүбүлүкэ премьерын э.т. Андрей Тарасенко бэлиэтээбитинэн,эбии үбүлээһин кэтэх хаһаайыстыбалаахтарга субсидия быһыытынан тыырыллыаҕа — 35 тыһ солк ынах төбөтүгэр уонна үүт сыанатын 50 солк диэри таһаарыыга туттуллуоҕа.

Бырайыагы миниистирдэр кабинеттара өйөөтө.

Сигэн:

2
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.