29 Кулун тутар 29.03
  • -13°
  • $ 92,26
  • 99,71

Тыа хаһаайыстыбатын министиэристибэтэ эдэр исписэлиистэри үбүнэн өйүүргэ бэлэм

Читайте нас на
Яндекс Новости
ЯДВ

Өрөспүүбүлүкэ Тыатын хаһаайыстыбатын министиэристибэтэ Саха сирин баһылыгын ыйааҕын бырайыагын бэлэмниир. Докумуоҥҥа бу эйгэҕэ үлэлии барар эдэр исписэлиистэргэ көрүллэр ыйдааҕы төлөбүр кээмэйин үрдэтэр туһунан этиллэр. Төлөбүрдэр зоналарынан арахсаллар.


Төлөбүрдэр тыа хаһаайыстыбатынан дьарыктанар тэрилтэлэргэ, потребительскай кэпэрэтииптэргэ, бааһынай хаһаайыстыбаларга үлэлиир эдэр исписэлиистэргэ ананаллар. Бу туһунан тустаах салаа миниистирэ Александр Атласов иһитиннэрдэ.

«Бырайыакка 2020 сыл тохсунньу 1 күнүттэн эдэр исписэлиис ылар сууматын 1,5 төгүл улаатыннарар туһунан киллэрилиннэ», — диэтэ бэдэмистибэ салайааччыта.

Холобур, ДьТХА бүтэрээччи киин улуустарга агрономунан эбэтэр зоотехнигынан үлэлии барар буоллаҕына, ыйдааҕы төлөбүрэ 10-тан 15-с тыһыынчаҕа диэри улаатар, Арктика эргимтэтигэр — 15-тэн — 22,5 с тыһыынчаҕа диэри эбиллэр.

«Ыйаах эдэр исписэлиистэри үлэҕэ көҕүлүөҕэ. Билигин 404 баар сөбүлэҥтэн 30 эрэ Арктика улуустарыгар барааччылары кытта түһэрсилиннэ», — диэтэ Александр Атласов.

Министиэристибэҕэ иһитиннэрбиттэринэн, төлөбүрдэр 2012 сылтан индексациялана иликтэр. Кадр тиийбэтинэн көрүллэр лимиит ситэри туһаныллыбат.

«Быйыл 37 мөл солк көрүлүннэ. Биһиги лимиити элбэппэппит, категорияларынан 1,5 төгүл улаатыннарабыт», — диэн миниистир быһаарда.

Министиэристибэ дааннайынан, өрөспүүбүлүкэҕэ тыа хаһаайыстыбатын салаатыгар үлэлээччилэр орто хамнастара 27 тыһ.солк.

Следите за самым важным и интересным в Telegram-канале и WhatsApp-группе ЯСИА