Сунтаар улууһун статистика управлениетын начаалынньыга Валерий Иванов быйыл сайын буолуохтаах Бүтүн Арассыыйатааҕы тыа хаһаайыстыбатын биэрэпиһигэр бэлэмнэнии үлэтин туһунан иһитиннэриини оҥордо.
Санатар буоллахха, биэрэпис от ыйын 1 күнүттэн атырдьах ыйын 15 күнүгэр диэри ыытыллыаҕа. Билиҥҥитэ биэрэпис ыытааччы көстө илик эбит. Бу хаалбыт күннэргэ бу боппуруос быһаарыллыаҕа диэн эттэ. Хонтуоралара улуус дьаһалтатыгар буолуоҕа. Нэһилиэк олохтоохторо биэрэпискэ бары хабыллыахтара. Бу күннэргэ бары көхтөөхтүк биэрэпискэ кыттыахтара диэн эрэнэрин эттэ.
