29 Кулун тутар 29.03
  • -14°
  • $ 92,26
  • 99,71

Тыа хаһаайыстыбатын, ас-үөл политикатын миниистиринэн Петр Алексеев ананна

11:26, 22 марта 2016
Текст:
Читайте нас на
Яндекс Новости
ЯДВ

Саха сирин баһылыга Егор Борисов тыа хаһаайыстыбатын уонна ас-үөл политикатын миниистиринэн Петр Алексеевы анаата.


Бу күннэргэ министиэристибэ үлэһиттэригэр саҥа салайааччыны билиһиннэрдилэр.

«Маннык быһаарыы федеральнай сокуоҥҥа сөп түбэһиннэрии чэрчитинэн ылылынна. Петр Николаевич Алексеев миниистир уонна бырабыыталыстыба бэрэссэдээтэлин бастакы солбуйааччы дуоһунастары хардарыта дьүөрэлиэҕэ. Вице-премьер быһыытынан тыа хаһаайыстыбатын, ас-үөл политикатын салайар уонна салаа туругун дьэҥкэтик билэр», — диэн эттэ баһылык уонна бырабыыталыстыба дьаһалтатын салайааччы Юрий Куприянов.

Урукку өттүгэр миниистиринэн үлэлээбит Александр Артемьев ФАПК «Туймаада» тэрилтэни салайыаҕа.

Петр Алексеев миниистир дуоһунаһыгар кандидатуратын Ил Түмэн пленарнай мунньаҕар муус устар 26 күнүгэр депутаттар дьүүллэһиэхтэрэ.

Ыспыраапка:

Петр Николаевич Алексеев 1976 сыллаахха сэтинньи 28 күнүгэр Горнай улууһун Бэрдьигэстээҕэр төрөөбүтэ. 1999 сыллаахха М.К.Аммосов аатынан Саха государственнай университетын бүтэрбитэ, «историк-преподаватель», «политолог» идэлэрин ылбата. 2002 сыллаахха юридическай факультеты бүтэрэн «юрист» идэтин баһылаабыта.

1993 сылтан Маалтаанытааҕы учаастактааҕы балыыһаҕа хачыгаарынан үлэтин саҕалаабыта. Университеты бүтэрэн баран гуманитарнай чинчийии институтугар, Горнай улууһун дьаһалтатыгар, Ил Түмэҥҥэ үлэлээбитэ. 2008-2013 сылларга Горнай улууһун баһылыгынан, 2013 сылтан ыла СӨ баһылыгын уонна бырабыыталыстыбатын дьаһалтатыгар үлэлээбитэ. 2013 сыллаахха СӨ баһылыгын ыам ыйын 31 күнүнээҕи уурааҕынан бырабыыталыстыба бэрэссэдээтэлин солбуйааччынан анаммыта, 2014 сыллаахха бастакы солбуйааччы буолбута.

Следите за самым важным и интересным в Telegram-канале и WhatsApp-группе ЯСИА