Сунтаар улууһунааҕы тыа хаһаайыстыбатын управлениетын начаалынньыга Иван Тихонов аҕыйах хонугунан биһиги улууспутугар тыа хаһаайыстыбатын салаатын инники сайдыытын боппуруостарыгар семинар буоларын туһунан эттэ. Онно атын улуустартан 134 киһи кэлэрэ былааннанар. Пленарнай мунньаҕа Сунтаарга буолуоҕа. Ону таһынан семинар кыттыылаахтара кэлэн иһэн, Тумулга калмык сүөһүлэрин көрүөхтэрэ. Семинар кэнниттэн Кириэстээххэ баран, «Кириэстээх» ТХПК үлэтин-хамнаһын билсиэхтэрэ.
