28 Кулун тутар 28.03
  • -13°
  • $ 92,59
  • 100,27

Тус санаа: «мотуоркаҕа» айдаан

17:52, 15 августа 2018
Текст:
Читайте нас на
Яндекс Новости
ЯДВ

Сайын саҕаланыыта үлэм наадатынан илин эҥээр улууска айаҥҥа туруннум. Нөҥүө кытылга массыына кэ­­тэһэр буолан, эбэни мотуорканан туоруурга быһаарынным.

Пуорка кэлэн «өрүс такситынан айанныырым дуу» диэн саныы туран, мотуоркалар диэки дьон тоҕуоруспутун аанньа ол диэки хаамтым. Үс мотуор тэҥинэн аттанаары турар эбит, дьон миэстэ былдьаһан түргэн-түргэнник олорунан кэбистилэр. Биир ордук миэстэ баарыгар киирэн олордум. Чочумча буолаат, суоппар ойон киирдэ, син саас ортолоох нуучча киһитэ. Айанныахча буолан эрдэхпитинэ, биир кыыс быыһыыр сэлиэччиги кэтээри, хатааһыннаах турар туумбаны хаһыста. Онуоха ыытааччы: «Сэлиэччиктэри ыһыма, ылбыккын төттөрү миэстэтигэр уур! Эйиэхэ наадата суох!» — диэн балай даҕаны улаханнык баргыытаата. Кыыспыт: «Кэтиим ээ, хас биирдии пассажирга сэлиэччиктэ кэтэрдиҥ диэн быраабыла баар ини», — диэтэ. Оҥочобут то­­йоно бу тыллары олох сөбүлээбэтэ, кыыстан били улаханы абыраабат буолбут көрүҥнээх сэлиэччигин төттөрү тардыалаата. «Уопуттаах ыытааччыбын, сэлиэччигэ да суох тыыннаах анараа кытылга тиэрдиэм!!!» — дии-дии былдьаан төттөрү миэстэтигэр уурда. «Куттанар буоллаҕына кэтэрэ сатаммат дуо?» — диэччи буоламмын, кынчарылынным, эбиитин туох эрэ диэн үөҕүлүннүм быһыылаах. Саатар мотуорка иһэ толору эр киһи, биир даҕаны эр киһибин дэммит киһи көмүскэспэтэ, биир да тылы быктарбата. Чэ, ити курдук этиһэн, айдаарсан нөҥүө кытылбытыгар сэлиэччигэ суох устан кэллибит. Тахсан истэхпитинэ киһибит: «Хайа, тыыннаах кэллиҥ ээ?» — диэн били кыыстан ыйыта хаалла.

Ама да уопуттаах буолбутун иһин, баҕалаах дьон сэлиэч­чик кэтэллэрин тоҕо бобуохха нааданый?! Кыыс этэринии, ирдэбил баарын ааһан, мотуорка иһигэр сэлиэччиги хантан ылан, хайдах кэтэр туһунан инструкция суруллан турара.

P.S. Урут эмиэ бу урбаанньыт өҥөтүнэн туһанан турардаахпын. Суудунатыгар дьон киирээтин кытта «Эмистэр — манна, арыый ырыгаттар — онно» диэн ыйа-кэрдэ, хаһыытыы-ыһыытыы турарын көрөн харааста санаабытым. Аны кининэн айаннаабатах киһи…

edersaas.ru

Следите за самым важным и интересным в Telegram-канале и WhatsApp-группе ЯСИА