Турок бөҕөһө Таха Акгуль Европа чөмпүйэнээтигэр АХШ-ка бэлэмнэнэр

0
75

Олимпийскай чөмпүйүөн Таха Акгуль АХШ биллиилээх бөҕөһө, быйылгы Иван Ярыгин турнирын кыайыылааҕа Кайл Снайдер ыҥырыытынан Огайо штат университетын кулуубугар эрчиллэ барда. Бу туһунан wrestdag.ru иһитиннэрэр.


Олимпийскай чөмпүйүөннэр Таха Акгуль уонна Кайл Снайдер

Таха Акгуль манна дьарыктанан баран, Кубаҕа ыытыллар рейтиннээх турнирга кыттар былааннаах. Үүммүт дьылга бу киниэхэ бастакы таһымнаах күрэхтэһиитинэн буолуоҕа. Ол кэнниттэн турок бөҕөһө кулун тутар ыйга Болгарияҕа буолар «Дан Колов» норуоттар икки ардыларынааҕы турнирга тустуоҕа. Аан дойдутааҕы түһүлгэлэр түмүктэринэн Каспийскайга ыытыллар Европа чөмпүйэнээтигэр кыттар Турция хамаандата сүүмэрдэниэҕэ.

Ыспыраапка:

Таха Акгуль — көҥүл тустууга 2016 сыллааҕы Олимпийскай оонньуулар чөмпүйүөннэрэ, аан дойду икки төгүллээх чөмпүйүөнэ, Европа уонна Европа оонньууларын түһүлгэлэрин кыайыылааҕа. Былырыын Дьокуускайга ыытыллыбыт Дмитрий Коркин кэриэһигэр норуоттар икки ардыларынааҕы турнирга олимпийскай чөмпүйүөн Владимир (Ладо) Хинчегашвилины (Грузия) кытта бочуоттаах ыалдьытынан буолбута.

0
0