Туобуйалар "күөх экраҥҥа" 20 ханаалы көрөн эрэллэр

Кэлиҥҥи кэмҥэ цифровой тэлэбиидэнньэ лаппа сайдан эрэр. Бэнидиэнньиктэн Үөһээ Бүлүү улууһун Туобуйа олохтоохторо «күөх экраннарыгар» 20 ханаалы көрөр буоллулар.


Туобуйалар тэлэбиисэрдэригэр 20 ханаалы көрөр буоллулар. Ол туһунан нэһилиэк баһылыга Степан Алексеев: «2016 сылга уон ханаалы холбообуттара. Ыал барыта абыраммыта. Бу күннэргэ исписэлиистэр кэлэн, анал оборудованиены таҥан, эбии уон ханаалы холбоон бардылар. Киинтэн ыраах олорор нэһилиэккэ элбэх ханаал холбоммута көдьүүһэ улахан. Сорохтор төлөбүрдээх спутниковай тэлэбиидэнньэттэн аккаастанан эрэллэр. «Саха НКИХ» ханаала аналоговайынан көстөр, ону таһынан үһэ спутниковайынан кэлэр«, — диэн иһитиннэрдэ.

Егор Калинин, Туобуйа олохтооҕо, учаастактааҕы балыыһа кылаабынай бырааһа:

— 20 ханаалы босхо көрөр буолбуппут олус бэрт. Сүрүн ханааллар бары бааллар. Хаачыстыбата да үчүгэй. Сорох ыал мантан инньэ төлөбүрдээх спутниковайтан аккаастанар буолуохтаахтар.

Ааптар: «Үөһээ Бүлүү» хаһыат.

This post was published on 23.11.2018 21:01 21:01