РФ премьер-миниистирэ Михаил Мишустин 2020-2021 сыллар күһүҥҥү-кыһыҥҥа сезонарыгар тумууттан быһыы ылыытыгар вакцина атыылаһыытыгар эбии 4,1 млрд солк көрөр туһунан дьаһалга илии баттаата, ТАСС иһитиннэрэр.
Федеральнайдааҕы бюджеттан вакцина ылыытыгар 22,5 млрд солк эрдэ көрүллэн турар. “Эбии харчы 15,5 мөл доза препарат ылыытын хааччыйыаҕа. Бырабыыталыстыба саппаас пуондатыттан үбүлээһин көрүллэр“, – пресс-сулууспаҕа эттилэр.
Вакцина ылыытын туһунан Мишустин балаҕан ыйын 10 күнүгэр буолбут бырабыыталыстыба мунньаҕар эттэ. Премьер-миниистир Владимир Путин Россия олохтоохторун тумууттан босхо вакцинанан хааччыйыы барыахтааҕын туһунан эппитин санатта.
