Бу өрөбүллэргэ буолан ааспыт Туймаада Ыһыаҕа Үлэ сылыгар ананна.
Быраабы араҥаччылыыр уорганнар иһитиннэриилэринэн, икки күннэх Ыһыах кэмигэр 180 тыһыынчаттан тахса киһи сырытта. Тэрээһин быһылаана суох, үрдүк таһымнаахтык ааста.
СИА-ҕа куорат дьаһалтатын пресс-сулууспата иһитиннэрбитинэн, Ыһыах кэмигэр Үс Хатыҥҥа 2,5 тыһыынчаттан тахса түһүлгэ төрүттэммит. Сүүһүнэн тэрээһин биир тэҥинэн ыытыллыбыт.
Ыһыаҕы үөрүүлээхтик аһыы сиэрэ-туома, оһуохай, норуоттар икки ардыларынааҕы II-с «Айыы аһа» кымыс фестивала, «Саламаат-2016», «Дьөһөгөй оҕолорун оонньуулара», СӨ баһылыгын уонна мээр бириистэригэр ат сүүрдүүлэрэ, о.д.а. тэрээһиннэр буолбуттара.
Архитектурнай-этнографическай комплекс 15 тыһыынча миэстэлээх саҥа трибуналара ыалдьыттарга анаан аһыллыбыта. Биллэн турар, «Дыгын Оонньуулара» дьон-сэргэ болҕомтолорун үөһүгэр турда. Быйыл Хаҥаластан төрүттээх Егор Филиппов кыайыылаах үрдүк аатын ылла.
This post was published on 27.06.2016 10:04 10:04