Саха сиригэр, Забайкальеҕа, Чукоткаҕа субсидиялаах көтүүлэр тустарынан боппуруос Юрий Трутнев кыттыылаах мунньахха көтөҕүлүннэ. Нэдиэлэ иһинэн боппуруоһу быһаарарга тырааныспар министиэристибэтэ салайааччыттан сорудах тутта.
СӨ бырабыыталыстыбатын бэрэссэдээтэлэ Андрей Тарасенко Камчаткаҕа РФ бырабыыталыстыбатын бэрэссэдээтэлин солбуйааччы – Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев сэбиэтин мунньаҕар кытынна.
«Мунньахха Саха сиригэр, Забайкальеҕа, Чукоткаҕа субсидиялаах көтүүлэр тустарынан боппуруос көтөҕүлүннэ. Юрий Петрович Трутнев туһааннаах боппуруоска биһиги этиибитин өйөөн, РФ Тырааныспарын министиэристибэтигэр нэдиэлэ иһинэн боппуруоһу быһаарарга сорудахтаата. Маны таһынан хотугу аэропуортары субсидиялааһыҥҥа өйөөтө», – диэн Андрей Тарасенко иһитиннэрдэ.
Источник: edersaas.ru
