Томпо улууһугар кэннэки сылларга тэрээһиннээх хаһаайыстыбалар элбэх сүөһү турар хотоннорун, сайылыктарын тутталлар. Онно улахан көмөнү федеральнай Граннар оҥороллор.
Улууска үгүс сүөһү 100-түү төбө киирэр хотонноругар тураллар. Былырыын 6 мөлүйүөн солкуобайдаах Граннары Мэҥэ Алдан нэһилиэгиттэн «Чэчир» бааһынай хаһаайыстыба (сал. Егор Сыромятников) уонна Байаҕантай нэһилиэгиттэн «Силээн» бааһынай хаһаайыстыба (сал. Гаврил Атаков) ылбыттара.
Быйыл үс хаһаайыстыба: Байаҕантай нэһилиэгиттэн «Кириэс Халдьаайы» (сал. Трофим Охлопков) уонна «Бигэ» (сал. Виктор Харлампьев) бааһынай хаһаайыстыбалар 8-тыы мөл. солк., Ыҥаа нэһилиэгиттэн «Чэчир» бааһынай хаһаайыстыба (сал. Семен Охлопков) 6 мөл. солк. граннары ыллылар.
