29 Кулун тутар 29.03
  • -11°
  • $ 92,26
  • 99,71

Томпо улууһугар от былаана 6979 тонна

Читайте нас на
Яндекс Новости
ЯДВ

Быйыл улууска 6979 тонна дороххой аһылыгы бэлэмниэхтэрэ. Былаан улахан аҥара тыа хаһаайыстыбатынан дьарыктанар нэһилиэктэргэ тиксэр.


Байаҕантай нэһилиэгэ 2848 тоннаны, Мэҥэ Алдан 2050 тоннаны, Саһыл – 741 тоннаны, Охотскай Перевоз 242 тоннаны, Ыҥаа – 155 тоннаны бэлэмниэхтэрэ. Маны таһынан таба иитиитинэн дьарыктанар Тополинайга, шахтердар олорор Дьабарыкы Хайа бөһүөлэгэр уонна да атын муницпальнай тэриллииллэргэ аҕыйах да буоллар ынаҕы, козаны тутар ыаллар эмиэ оттуохтара. Маны таһынан быйыл 414 гектарга туорахтаах култуураны ыспыттара.

Урукку сылларга тэҥнээн көрөр буоллахха, 2014 сылга былааннаммыт 690 тонна от оннугар 8418 тоннаны бэлэмнээбиттэрэ. 2015 сылга 7155 тоннаны бэлэмнээбиттэрэ кыстыкка тиийдэ.

Томпо улууһун тыа хаһаайыстыбатын салаатын салайааччыта Егор Андросов:

Сүөһү иитиитинэн тэрээһиннээхтик дьарыктанар бааһынай хаһаайыстыбалар СӨ тыа хаһаайыстыбатын Граннарыгар саҥа техника ылбыттара. Ол курдук былырыын Мэҥэ Алдантан «Чэчир» бааһынай хаһаайыстыба (салайааччы Егор Сыромятников) трактор, пресс-подборщик, тракторга холбонор от охсор, мунньар атыыласпыта. Быйыл итинник техниканы Байаҕантай нэһилиэгиттэн «Бигэ» (салайааччы Виктор Харлампьев) уонна Ыҥааттан «Кэнчээри» (салайааччы Семен Охлопков) хаһаайыстыбалар ыллылар. Быйыл улуус дьаһалтата (баһылык Георгий Герасимов) уматык уонна техника ылыналларыгар хаһаайыстыбаларга 800 тыһыынчаттан тахса солкуобайы биэрдэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар