29 Кулун тутар 29.03
  • -11°
  • $ 92,26
  • 99,71

Томпоҕо эдэр ыал ууга былдьанна

Читайте нас на
Яндекс Новости
ЯДВ

Томпо улууһун Саһыл нэһилиэгин Ис Хочо диэн сиригэр Алдан өрүс салаатыгар эдэр ыал ууга былдьанна.


От ыйын 16 күнүгэр түүн 2 чаас 36 мүнүүтэҕэ Томпо улууһун биир кэлим диспетчерскэй сулууспатыгар суһал биллэрии киирбитэ.

Хаандыга бөһүөлэгиттэн  хас да улахан киһи оҕолорун илдьэ өрөбүллэригэр сынньана Саһыл нэһилиэгин Ис Хочо диэн сиригэр тиийбиттэр. Кинилэр ортолоругар баар эдэр ыал өрүс салаатын эрэһиинэ тыынан туоруу сылдьан, тыы түҥнэстэн, ууга былдьаннылар. Икки дьахтар уонна оҕолор кытылга хаалбыттар.

Биир кэлим диспетчерскэй сулууспа, ыксаллаах быһыы-майгы кэмитиэтэ, полиция көрдүүр үлэни тэрийбиттэрэ. Ыал аҕатын өлүгүн ити күн сарсыарда булбуттара.

«Билигин 10 киһи, ол иһигэр Дьокуускай куораттан биэс водолазнай сулууспа үлэһиттэрэ, Томпотооҕу ГИМС, полиция үлэһиттэрэ көрдүүр үлэ ыытыллар. Эхолоту, гидрорадары уонна баҕыырдары туһаналлар», — диир Томпо улууһун ыксаллаах быһыыга-майгыга кэмитиэтин бэрэссэдээтэлин солбуйааччы Андрей Кузовлев.

Быйыл Томпо улууһугар сайын саҕаланыыта Мэҥэ Алдан нэһилиэгин олохтооҕо, 60 саастаах киһи ууга түһэн өлбүтэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар