Томпо улууһун Кириэс Халдьаайы нэһилиэгэр эһэ тарбыйахтарга түстэ. Бу туһунан ulus.media суруйар.
Ыам ыйын 12 күнүгэр нэһилиэк олохтоохторо Ынахсыт диэн Кириэс Халдьаайы аттыгар баар даача учаастактарын ойууругар эһэни көрөн куоппуттар. Дьону көрөн кыыл тыаҕа түстэҕэ дии санаабыттара ыам ыйын 13 күнүгэр тыатааҕы Ынахсыт ыалын икки тарбыйаҕар түспүтүн туһунан иһитиннэрии кэлбит.
Хаһаайыттар суох кэмнэригэр эһэ икки тарбыйаҕы бааһырдыбыт. Дириҥ тыҥырах суолларын хааллартын бэтэринээрдэр эмтээбиттэр.
Байаҕантай нэһилиэгин баһылыга Лена Голикова дьаһалынан Ынахсыттан хас да ыал көспүт. Олохтоохтор сэрэтии ылтар.
Ити сиргэ икки улахан бааһынай хаһаайыстыбалар пиэрмэлэрэ тураллар. Хаһаайыттар сэрэтиллэн, харыстаныы үлэтин ыыталлар.
Бу иннигэр Томпо улууһун аҥарын кэриҥэ сири кэрийбит үрүҥ эһэни Дьабарыкы Хайатыттан тутан Дьокуускайга аҕалбыттара. Ити кэмҥэ муус устар 12 күнүгэр улууска хагдаҥ эһэ сылдьарын туһунан иһитиннэрии киирбит. Чугастааҕы нэһилиэктэр сэрэтии ылтар.
