29 Кулун тутар 29.03
  • -11°
  • $ 92,26
  • 99,71

Токиотааҕы сайыҥҥы Олимпийскай оонньуулар им бэлиэлэрин үөрэнээччилэргэ таллардылар

18:00, 09 марта 2018
Текст:
Читайте нас на
Яндекс Новости
ЯДВ

Бу күннэргэ 2020 сылга Токиоҕа (Япония) ыытыллар сайыҥҥы XXXII Олимпийскай оонньуулары тэрийэр кэмитиэт Олимпиада уонна Паралимпиада им бэлиэлэрин билиһиннэрдэ.


Бу сырдык халлаан күөҕэ өҥнөөх куоскаҕа майгынныыр итиэннэ тииҥи санатар кубархай кыһыллыҥы өҥнөөх кыыллар билиҥҥитэ ааттара суох. Им бэлиэлэр ойууларын уонна дьүһүннээһиннэрин кытта Олимпиада сайтыгар билсиэххэ сөп. Талисманнар аниме көрүҥүнэн оҥоһуллубуттар. Манна Эдо династиятын (1603-1868 сс.) кэминээҕи оһуордар туттулуннулар.

Им бэлиэлэр куонкурустарыгар 2042 үлэ көрүүгэ ылыллыбыта. Түмүктүүр түһүмэххэ үс маскот киллэриллибитэ. Олортон хайалара кыайыылаах буолуоҕун Япония алын сүһүөх кыластарын үөрэнээччилэрэ быһаардылар. Ааспыт сыл ахсынньы 11-тэн бу дьыл олунньу 22-гэр диэри ыытыллыбыт куоластааһыҥҥа 16 тыһыынча оскуолаттан 200 тыһыынча кылаас кыттыыны ылла. “Биир кылаас – биир куолас” быһыылаахтык барбыт куонкурус кыайыылааҕынан 109 тыһыынча 41 куолаһы хомуйбут маскот буолла. Тэрийээччилэр бэлиэтииллэринэн, Оонньуулар им бэлиэлэрин оскуола оҕолорунан талларыы олимпийскай хамсааһын устуоруйатыгар аан бастаан ыытылынна.

Сайыҥҥы XXXII Олимпийскай оонньуулар Токиоҕа 2020 сыл от ыйын 24-тэн атырдьах ыйын 9 күнүгэр диэри ыытыллыахтара. Оттон Паралимпиада атырдьах ыйын 25 күнүттэн балаҕан ыйын 6-гар диэри барыаҕа.

Следите за самым важным и интересным в Telegram-канале и WhatsApp-группе ЯСИА
Тутаах тыллар