Америка бэлиитигэ, дипломата, учуонайа, суруналыыһа Бенджамин Франклин, мафиози, Чикаго саамай улахан баандатын басхана Аль Капоне, аатырбыт боксер Мухаммед Али, артыыс, комик Джим Керри, нуучча артыыһа, режиссер, педагог, ССРС бастакы норуодунай артыыһа Константин Станиславский, Саха сиригэр фольклору, кыраайы үөрэтээччи Иван Березкин, биллиилээх сири олохтооччу Кирилл Худогизов, юридическэй билим дуоктара Татьяна Иванова төрөөбүттэр.
Тохсунньу 17 диэн Грегориан халандаарыгар сыл 17-с күнэ. Сыл бүтүө 348 күн (ордук хонуктаах сылга 349 күн) баар.
Бэлиэ күннэр:
- Греция — Патрас карнаваала — Греция саамай бөдөҥ карнаваала, аан дойду бөдөҥ карнаваалларыттан биирдэстэрэ. Бэлиэтэммитэ 160-ча сыл буолбут. Былыргы итэҕэллэри кытта ситимнээх, сааһы аҕаларар туомнары оҥороллоро.
Түбэлтэлэр:
- 1774 — Саха сирин бойобуодатынан Ларион Черемисинов анаммыт. Кини бу солоҕо бэс ыйын 15 күнүгэр диэри сыл аҥаара сулууспалаабыт.
- 1906 — «Сахалар сойуустара» («Союз якутов») (эргэ стилинэн тохсунньу 4 күнүгэр) диэн түмсүү тэриллибит. Тэрийээччи — Василий Никифоров — Күлүмнүүр.
- 1904 — Москубаҕа МХАТ тыйаатырыгар Антон Чехов пьесатынан «Вишня сада» испиктээкил бастакытын туруоруллубут.
- 1912 — Британия айанньытын Роберт Скотт бөлөҕө Соҕуруу полюска тиийбит. Онно кинилэртэн биир ый иннинэ Норвегия айанньытын Руаль Амундсен бөлөҕө тиийбит эбит этэ.
- 1920 — АХШ Конституциятыгар 18-с уларытыы күүһүгэр киирбит, дойдуга арыгы атыыта, оҥоруута уонна тиэйиитэ бобуллубут. 1933 сыл ахсынньы 5 күнүгэр бу бобуу көтүрүллүбүтэ.
- 1944 — Аан дойду иккис сэриитин кэмигэр Италияҕа түөрт ыйдаах Монте-Кассино кыргыһыыта саҕаламмыт.
- 1946 — ХНТ Куттал суох буолуутун сүбэтин бастакы мунньаҕа буолбут.
- 1994 — Күндү таастары уонна метааллары уоран атыылааһыны утары охсуһар Саха сиринээҕи ИДьМ анал салаата тэриллибит.
- 2003 — СӨ «О родовой, родоплеменной кочевой общине коренных малочисленных народов Севера» сокуона ылыныллыбыт (бу сыл сэтинньи 20 күнүттэн олоххо киирбит, 2007 с. олунньу 14 уларытыллыбыт).
- 2006 — Санкт-Петербурга Эрмитаж тыйаатырыгар «Саха сирин виртуозтара» скрипаачтар бөлөхтөрө кэнсиэр биэрбит. Бу иннинэ музыкаан оҕолор Судаарыстыбаннай академическай капеллаҕа, ортопедия уонна травматология институутун кырачаан пациеннарыгар, «Зазеркалье» тыйаатырга кэнсиэрдээн истээччилэр биһирэбиллэрин ылбыттар.
Төрөөбүттэр:
- 1706 — Бенджамин Франклин — Америка бэлиитигэ, дипломата, учуонайа, айааччыта, суруналыыһа. Сүүс дуоллардаах банкнотаҕа кини мэтириэтэ ойууланар.
- 1863 — Константин Станиславский — нуучча сэбиэскэй тыйаатыр диэйэтэлэ, артыыс, режиссёр, педагог, ССРС бастакы норуодунай артыыһа. Кини аатырбыт тыллара — «Не верю!».
- 1899 — Аль Капоне (Альфонсе Габриэль Капоне) — 1920—1930-с сыллардааҕы Америка мафиозита, Чикаго саамай улахан баандатын басхана.
- 1915 — Иван Березкин — фольклору, кыраайы үөрэтээччи, түмэл үлэһитэ.
- 1942 — Мухаммед Али (төрүүрүгэр аата Кассиус Марселлус Клей — кыра) — Америка боксёра, Олимпия оонньууларын чөмпүйүөнэ (1960), ыарахан ыйааһыҥҥа аан дойду муҥутуур чөмпүйүөнэ.
- 1958 — Кирилл Худогизов — биллиилээх сири олохтооччу.
- 1962 — Джим Керри — Канада—Америка артыыһа, комига, сценариһа, продюсера.
- 1965 — Татьяна Иванова — юридическэй билим дуоктара.
Өлбүттэр:
- 1468 — Скандербег — билиҥҥи Албания сиригэр-уотугар үөскүү сылдьыбыт Кастриоти княжество салайааччыта (1443—1468), османнары утары охсуһуу баһылыга, Албания национальнай дьоруойа.
- 1957 — Захар Винокуров (12.03.1922 төр.) — сахаттан биир бастакы композитор. 1962 сыллаахха кини аата Нам улууһун музыкальнай оскуолатыгар иҥэриллибитэ.
- 2002 — Николай Михайлов — аатырбыт сылгыһыт, Мэҥэдьэк сылгыта туспа боруода буоларыгар кылаатын киллэрбит киһи.