Бу өрөбүлгэ Тиксии бөһүөлэгэр Арассыыйа былааҕын күнүгэр анаан футболга күрэхтэстилэр.
Футбол хонуутугар бастыыр иһин 5 хамаанда күөн көрүстэ: “ФК Тикси”, “Белые медведи”, “Юность”, Спартак” уонна “Норд”. Хамаандалар 2 матчы оонньоотулар. 1 матч 30 мүнүүтэ устата барда. Оскуола оҕолоруттан турбут 2 хамаанда улахан дьону кытта бэрт тыҥааһыннаахтык, эрийсиилээхтик оонньоотулар.
Үһүс бочуоттаах миэстэҕэ “Юность” хамаанда таҕыста (хамаанда хапытаан Денис Дерябин). Бастыыр иһин киирсиигэ “ФК Тикси” уонна “Спартак” хамаандалар кииристилэр, бэрт сытыы киирсии кэнниттэн “ФК Тикси” оонньооччулара бу ыытыллыбыт күрэхтэһиигэ муҥутуур кыайыылаах буоллулар.
Түмүккэ тэрийээччилэр оонньуу кыттааччыларыгар маннык ааттары туттартаатылар: «Бастыҥ вратарь” – Чергик Никита, “Үчүгэй көмүскээччи» – Боондаренко Игорь, “Күүстээх атаакалааччы» – Шугаев Алексей уонна “Бастыҥ бомбардир» аакка “Спартак” хамаанда хапытаана Бурцев Андрей тигистэ. Үс иһигэр киирбит оонньооччулар бары мэтээлинэн, кыайыылаахтар кубоктарынан наҕараадаланнылар.
Днепровскай Максим, “ФК Тикси” хамаанда хапытаана: “Тэрээһин үрдүк таһымҥа барда, онон тэрийээччилэргэ махталым улахан. Оонньуу сиэрдээхтик уонна чиэһинэйдик барбытыгар күрэхтэһии бары кыттыылаахтаргырар махтанабын. Биһиги хамаанда финалы эрэллээхтик кыайда. Ол иннинэ “Юность” хамаанданы чэпчэкитэ суохтук 5-4 ахсааҥҥа кыайбыппыт”.
