29 Кулун тутар 29.03
  • -15°
  • $ 92,26
  • 99,71

Тиэлигигэ саҥа фельдшерскэй-акушерскай пуун аһылынна

15:37, 03 февраля 2016
Текст:
Читайте нас на
Яндекс Новости
ЯДВ

500-тэн тахса нэһилиэнньэлээх Тиэлиги бөһүөлэгин олохтоохторун  2005 сыллаахха сэбиэдиссэйинэн анаммыт Александр Игнатьев, эмчиттэр Мария Игнатьева уонна Марфа Макарова көрөллөр-истэллэр. ФАП сэбиэдиссэйэ сырдык, тупсаҕай, бары ирдэбиллэргэ эппиэттиир саҥа дьиэҕэ үлэлиириттэн үөрбүтүн эттэ уонна икки министерстволарга, оройуоннааҕы киин балыыһа салалтатыгар, улуус, нэһилиэк дьаһалталарыгар махталын тиэртэ.

Үөрүүлээх күн саҥа пуун аһыллыытыгар Александр Горохов ‒ Толбон алгыс этэн амалыйда, аал-уоту отунна. ФАП символическай күлүүһүн улуус кылаабынай бырааһа Алексей Павлов сэбиэдиссэй Александр Игнатьевка туттарда. Аалай лиэнтэни быһарга улуус баһылыга Николай Старостин, СР Доруобуйа харыстабылыгар министерствотыттан Василий Ховров, СР Тыа хаһаайыстыбатыгар уонна аска-үөлгэ политикатыгар министерствотыттан Анатолий Павлов ыҥырылыннылар.

«I Наахара нэһилиэгэ» МТ баһылыга Михаил Денисов олохтоох дьаһалта аатыттан дьиэни үлэҕэ киллэртэриигэ үлэлэспиттэргэ Махтал суруктары туттартаата уонна ФАП сэбиэдиссэйигэр 15 тыһыынчалаах сертификаты туттарда. Улуус баһылыга Николай Старостин тыа сирин кэлим сайдыытыгар үлэлиир тус сыаллаах федеральнай программа чэрчитинэн улууспутугар бэһис ФАП үлэтин саҕалаабытын, Тиэлигитээҕи ФАП социальнай хайысхалаах тутуулар малааһыннарыгар маҥнайгы хараҥаччынан буолуоҕа диэтэ уонна ааспыт үйэ 90-с сылларыгар тутуллубут сэнэх туруктаах эргэ ФАП дьиэтин өрөмүөннээн эдэр специалистары олордор уопсай дьиэҕэ кубулутуохха сөп диэн санаатын эттэ.

Бу күн пууҥҥа СР Доруобуйа харыстабылыгар министерствотын аатыттан эмтиир-томтуур тэрили ылынарга 50 тыһыынчалаах сертификаты биэрдилэр, тыыл, үлэ ветераныгар Марфа Карповаҕа, Маргарита Сивцеваҕа уонна ФАП тутуллуутугар үлэлэспит тутааччыларга Эҕэрдэ суруктары туттартаатылар.

Следите за самым важным и интересным в Telegram-канале и WhatsApp-группе ЯСИА