29 Кулун тутар 29.03
  • -11°
  • $ 92,26
  • 99,71

Тэйиччиттэн үлэ туһунан сокуону Федерация Сэбиэтэ ылынна

11:01, 03 декабря 2020
Текст:
Читайте нас на
Яндекс Новости
ЯДВ

Федерация Сэбиэтэ Үлэ кодексыгар тэйиччиттэн үлэ туһунан уларытыыларын сэрэдэҕэ пленарнай мунньаҕын кэмигэр бигэргэттэ.


Тэйиччиттэн үлэ мантан антах үс көрүҥҥэ туттуллар кыахтаныа – бастайааннай үлэ көрүҥүн быһыытынан, быстах кэмҥэ (сыл аҥара кэм иһигэр) эбэтэр буккуйа үлэ көрүҥэр. Маныаха үлэһит сөбүлэҥэ булгуччулаах.

Сокуонунан үлэ биэрээччи үлэһитин наадалаах үлэ тэрилинэн хааччыйыахтаах, үлэһит үлэтинэн көрсөр ороскуотун уйунуохтаах;

— үлэ кээмэйэ оннунан хаалбыт буоллаҕына хамнаһын толору төлүөхтээх;

— өскөтүн үлэһит дьиэттэн үлэлииригэр тэрилэ суох буоллаҕына эбэтэр үлэтин уратытынан дьиэттэн үлэлиирэ сатаммат буоллаҕына үлэ биэрээччи үлэһит хамнаһын төлүүр.

Үлэһит икки күнтэн ордук төлөпүөҥҥэ аахсыллар биричиинэтэ суох эппиэттээбэт буоллаҕына үлэһит кинини ууратар бырааптаах;

— үлэһит бастайааннай көрүҥҥэ тэйиччиттэн үлэни талан баран көһөн барар түбэлтэтигэр үлэтин хаачыстыбата суохтук, толору оҥорбот буоллаҕына үлэ биэрээччи кинини ууратар бырааптаах.

Сокуон 2021 сылга олоххо киирэрэ былааннанар.

Атыҥҥа Үлэ кодексатын балаһыанньата үлэлиир. Холобур, тэйиччиттэн үлэлиир үлэһит сыллааҕы уоппускалаах уонна бэйэтэ бас билэр бириэмэлээх буолара булгуччулаах. «Бэйэ бас билэр бириэмэтин кэһии үлэни таһынан үлэ курдук ааҕыллар (сверхурочка) ол төлөнүөхтээх», — диир Федерация Сэбиэтин социальнай бэлиитикэҕэ кэмитиэтин салайааччы Инна Святенко.

Следите за самым важным и интересным в Telegram-канале и WhatsApp-группе ЯСИА