Тас дойдуттан сөмөлүөтүнэн көтөн кэлбит Россия олохтоохторо үс хонук иһигэр коронавируска ПЦР-тест туттараллара уонна ол түмүгэ биллиэр диэри дьиэлэригэр олороллоро ирдэнэр. Ол туһунан РФ кылаабынай санитарнай бырааһын уурааҕар этиллэр, ТАСС суруйар.


«СOVID-19-ка ПЦР ньыматынан туттарыллыбыт тест лабораторнай чинчийиини ааһан түмүгэ тахсыар диэри тас дойдулартан кэлбит Россия олохтоохторо самоизоляция эрэһиимин тутуһаллара ирдэнэр», — диэн суруллар быраап информациятын интернет-порталыгар сэрэдэҕэ таһаарыллыбыт докумуоҥҥа.

Маны сэргэ үлэни биэрээччи үлэһитигэр ПЦР-тест түмүгэ биллиэр диэри дьиэтигэр олоруохтааҕын модьуйарыгар эбээһинэстээтилэр.

Докумуон балаҕан ыйын 24 күнүттэн олоххо киирэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.