29 Кулун тутар 29.03
  • -14°
  • $ 92,26
  • 99,71

Тарас Десяткин биһиги кэккэбититтэн туораата

09:10, 15 февраля 2018
Текст:
Читайте нас на
Яндекс Новости
ЯДВ

Улахан тэрийээччи, промышленник Тарас Десяткин 90 сааhыгар сылдьан күн сириттэн күрэннэ. 


Тарас Десяткин «Якутзолото» хампаанньаны 1972-1991 сс. салайбыт. Бу кэмҥэ көмүс хостооһуҥҥа улахан көрдөрүүнү ситиспиттэр. Депутатскайдааҕы хорҕолдьуну хостуур кэмбинээт, Сарылахтааҕы хайаны байытар комплекс үлэтин саҕалаабыт.

Муус устар 26 күнүгэр Тарас Десяткин 90 сааһын туолуох этэ. 1928 с. Мэҥэ Хаҥалас Төҥүлүтүгэр төрөөбүт. Магаданнааҕы хайа техникумун, Ленинградтааҕы хайа университетын бүтэрбит. 1953 сыллаахтан «Кизелуголь» (Пермь) треһин «Капитальная» шахтатыгар салайааччы көмөлөһөөччүтүнэн, онтон салайааччынан,  Иркутскай уобаласка Черемховскайдааҕы таас чох сиригэр үлэлээбит.

1955 сыллаахтан Саха сирин промышленноһыгар: хайа маастарынан, Хаҥаластааҕы таас чох руднигар сүрүн инженеринэн, Саха АССР миниистирдэрин сэбиэтин иһинэн ититии бырабылыанньатын сүрүн инженеринэн, Дьабарыкы Хайа шахтатын бырабылыанньатын салайааччытынан, «Алданслюда» кэмбинээт Эльконка руднигын сүрүн инженеринэн үлэлээбит.

1961 сыллаахтан «Мирный» рудник «Якуталмаз» треһин сүрүн инженерэ.

1969 сыллаахтан «Якуталмаз» дириэктэрин солбуйааччы.

1972-1991 сс. «Якутзолото» солбуйааччы.

1991  с. –  «Золото Якутии» хампаанньа дириэктэрэ.

Социалистическэй үлэ дьоруойа, ССРС Үрдүкү Сэбиэтин дьокутаата, КПСС XXV съеһин кыттааччыта, Ленин уордьанын икки төгүллээх лауреата.

Саха ССР үтүөлээх горняга, РСФСР үтүөлээх металлура.

СӨ Бочуоттаах олохтооҕо.

«Золото, алмазы и моя жизнь», «Люди, золото, алмазы…» кинигэлэр ааптардара.

Тарас Десяткин аата 66,37 караттаах алмааска иҥэриллибитэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар