Хабаровскайга олорор сахалар, устудьуоннар уонна саха култууратын сүгүрүйээччилэр Амур кытылыгар ыһыах ыстылар.
Ыһыахха Таатта улууһун улахан делегацията анаан-минээн кыттыыны ылан, ыһыаҕы ордук киэргэттэ. Делегацияҕа улуус баһылыга Михаил Соров, Дьохсоҕон нэһилиэгин баһылыга П.Е. Захаров, «Оһуордар», «Дружба» ансамбыллар, Ф.С. Аргунов аатынан оҕо искусствотын оскуолатын учууталлара, култуура управлениетын үлэһиттэрэ киирдилэр. Маны таһынан Тааттаттан төрүттээх биллэр-көстөр дьон, ол иһигэр аатырбыт Иннокентий Тарбахов сахалыы аһы-үөлү астаан, хабаровскайдары күндүлээтэ. Онтон көмүс куоластаах Николай Попов, Виталий Очиров ыллаан-туойан, Саха сирин ааттаттылар.
«Дружба» ансамбыл үҥкүүһүттэрэ бэс ыйын 5 күнүгэр «Арсенал» култуура киинигэр кэнсиэртээн ньиргиттилэр.
