Таатта улууһугар быйылгы үөрэх дьылын үлэттэн тирэнэн ыытарга быһаарыннылар. Ураты хайысхалаах былааннары торумнаатылар.
Таатта оскуолаларыгар учууталлар үөрэҕирии эйгэтин үлэһиттэрин, төрөппүттэри, үөрэнээччилэри, тэрилтэлэри, уопсастыбаннай түмсүүлэри кытта «Тыа сирин эйгэтэ — саҥа сыһыан — тирэхтээх сайдыы» диэн тосхолунан киэҥ мунньаҕы ыыттылар. Сарсыардаттан киэһээҥҥэ диэри дириҥ ис хоһоонноох, араас өрүттээх интэриэһинэй тэрээһиннэр буоллулар.
Сорох оскуолаҕа мунньах олоҥхонон саҕаланна, выпускниктар үөрэммит кыһаларын аттыгар мас олортулар. Сатабылларга маастар-кылаастары, төрөппүттэргэ оҕо сайдыытыгар аналлаах семинардары, куурустары ыыттылар.
Ааптар: Виктор ВИНОКУРОВ
This post was published on 21.09.2018 11:40 11:40