19 Кулун тутар 19.03
  • -6°
  • $ 91,98
  • 100,24

Тааттаҕа Ойуунускай өрүү тыыннааҕын туоһулуур маллар быыстапкалара буолла

16:16, 13 декабря 2018
Текст:
Читайте нас на
Яндекс Новости
ЯДВ

Дьыл-хонук ааһан истэҕин ахсын П.А. Ойуунускай киэҥ, далааһыннаах, улахан олоҕун сырдатыы, үйэтитии өлбөт-сүппэт тыыннанар. Итинник санаанан салайтаран ааспыт субуотаҕа Таатта коллекционердара «Сарыал» успуорт комплексыгар түмсэн тэрээһин ыыттылар. «Саха хаан саарына Ойуун ууһун улуута Ойуунускай убайбыт Уруйуҥ улааттын!» диэн ааттаах быыстапка күрэҕэ буолла.  


Бу күннэргэ таатталар Ойуунускай 125 сааһыгар аналлаах өссө биир киэҥ далааһыннаах тэрээһин ыыттылар. Улуу Ойуунускай аата өссө биир үрдэлгэ тахсыбыт, Дьокуускай аэропорда ааттаммыт өрөгөйүн уруйдаан П.А.Ойуунускай Москуба куоракка ахсынньы 29 күнүгэр 1926 с. суруйбут «Былааһы-Совекка» хоһоонунан ырыаны ньиргиччи ыллаан астылар. Түмсүү боччум чааһыгар «Былатыан Ойуунускай туһунан хоһоону айан ааҕыы» уонна «Ойуунускай мин олохпор» бэйэҕэ баар матырыйаалларынан быыстапка күрэхтэрэ ыытылыннылар.

Бастакы күрэххэ 1 миэстэни Харбалаах орто оскуолатын үөрэнээччитэ Шура Софронова, 2 миэстэни И.В. Харлампьева, Харбалаах, 3 миэстэни С.П. Андросова Ытык Күөл ыллылар. Иккис күрэххэ 1 миэстэни В.Д. Егорова, 2 миэстэни К.С. Бачьев, 3 миэстэни А.Г. Степанова ыллылар. Бу күрэх быыстапкатыгар киһи биһириирэ үгүс. Ол курдук, В.Д. Егорова хос эһэтэ Никитин П.А. Ойуунускайдыын Москваҕа сьезкэ бараары түспүт саһарбыт хаартыската, К.С.Бачьев 1949 сыллааҕы аҕата уура сылдьар «Ойуунускай» бюһа, остуолга ууруллар уонна түөскэ анньыллар Ойуунускай аналлаах бэлиэлэрэ, А.Г. Степанова 1958 с. 9 кылааска үөрэнэр кэмигэр бэлэх суруктаах Ойуунускай томнара, Н.Н. Местникова «Ньургун Боотур» олоҥхотун толору комплегын пластинкалара, И.В.Харлампьева 1986 с. оҕотун Чөркөөх музейыгар сырытыннарбытын хаартысканан альбома, Ойуунускай сылларыгар ылбыт грамоталара, С.П. Андросова Ойуунускай ытык бэлиэ миэстэлэригэр дьиэ кэргэнинэн түспүт хаартысканан альбома, Шура Софронова Ойуунускай ааҕыыларыгар кыттыбыт матырыйааллара о.д.а. киһи болҕойоро элбэх.

Түмсүү биир үөрүүлээх түгэнинэн Ытык Күөл «Эгэлгэ» коллекционердар салайааччылара И.И.Табунанов, улууска «Коллекция — бу киһи, нэһилиэк олоҕо» диэн ылсан үлэлии сылдьар коллекционердарга Ф.И. Чяриҥҥа, И.И. Табунановка, И.В.Харлампьеваҕа, А.Д.Ючюгяеваҕа «П.М.Третьяков. За заслуги в коллекционировании» мэтээли туттарыыта буолла.

Таатта коллекционердара: А.Д. Ючюгяева, Ф.И. Чярин, И.В. Харлампьева уонна И.И. Табунанов.

Бу сылаас, боччум тэрээһин П.А.Ойуунускай скверигэр Саха Өрөспүүбүлүкэтин Правительствотын бэрэссэдээтэлэ В.В. Солодов кыттыылаах Былатыан Ойуунускай пааматынньыгар сибэкки дьөрбөтүн уурууга күргүөмүнэн хаартыскаҕа түһүүнэн түмүктэнэн өссө суолталанна, үйэтитилиннэ.

Ааптар: И. ХАРЛАМПЬЕВА

Следите за самым важным и интересным в Telegram-канале и WhatsApp-группе ЯСИА