28 Кулун тутар 28.03
  • -12°
  • $ 92,59
  • 100,27

Тааттаҕа мустан остуол тенниһигэр күрэхтэстилэр

17:53, 23 марта 2021
Текст:
Читайте нас на
Яндекс Новости
ЯДВ

Таатта улууһугар аан бастакытын  СӨ үөрэҕириитин туйгуна, физическэй култуура уонна спорт туйгуна, бэтэрээнэ, Тыараһа нэһилиэгин олохтооҕо Турнин Назар Петрович бирииһигэр остуол тенниһигэр өрөспүүбүлүкэтээҕи турнир буолан ааста. 11 улуустан чаҕылхай спортсменнар Ытык Күөлгэ мустан күөн көрүстүлэр.


Ил Түмэн депутата Михаил Гуляев Ил Түмэн наҕараадатын уонна бирииһин Назар Турниҥҥа туттарда. Ону тэҥэ икки спортсмеҥҥа Н. П. Турнин үөрэнээччитигэр Сабарайкин Ньургуҥҥа (Таатта) уонна Кылабысов Михаилга РФ маастарын дастабырыанньаларын уонна бэлиэтин биэртэлээтэ.

Турнир хаһаайыныгар улуус баһылыга Михаил Соров «Таатта улууһун сайдыытыгар кылаатын иһин» бэлиэни туттарда, Тыараһа нэһилиэгин баһылыга Турнин П.П. «Тыараһа нэһилиэгин Бочуоттаах олохтооҕо» ааты иҥэрдэ.

Турнирга уопсайа 141 остуол тенниһин чаҕылхай оонньооччута кытынна. Саастарынан арааран икки категорияҕа муҥутуур чөмпүйүөннэргэ убаһа бириистээтилэр. Хара Алдан ыччатыгар Дмитрий Винокуровка аймахтара анал бириис убаһа бэлэхтээтилэр.

Турнир үрдүк таһымҥа ыытылынна, диэн Таатта хаһыат инстаграм-сирэйигэр суруйдулар.

Следите за самым важным и интересным в Telegram-канале и WhatsApp-группе ЯСИА