От ыйын 1-2 күннэригэр Бүлүү улууһугар, Тааһаҕарга, “Дуоҕа Боотур оонньуулара-2018” саха многоборьетыгар күрэхтэһии төрдүс төгүлүн ыытыллыа.
2015 сылтан саҕалаан Бүлүү уонна Кэбээйи улууһун күүстээх боотурдара үс төгүл үскэ, мас тардыһыытыгар, тутум эргииргэ, хапсаҕайга, сахалыы оҕунан ытыыга, 400 миэтэрэҕэ сүүрүүгэ уонна таас көтөҕүүтүгэр киирсэн, муҥутуур кыайыылааҕы быһаарсаллар. Кыайыылаах 150 000 солкуобай уу харчынан наҕараадаланар. Сүрүн судьуйанан норуоттар икки ардыларынааҕы кылаастаах судьуйа Алексей Мостахов буолара, күрэхтэһиини илэ бэйэтинэн иилээн-саҕалаан ыытара уоту-күөһү өссө күүскэ күөдьүтэр.
Күрэхтэһиини “Дуоҕа Боотур” уопсастыбаннай тэрилтэ сыл аайы ыытар.
Күрэхтэһии 2015 сыллаахтан са5алаан Кэбээйи Мукучутугар, Бүлүү Хампатыгар уонна Бороҕонугар ыытылла сылдьыбыт. “Дуоҕа Боотур” муҥутуур кыайыылааҕынан өрөспүүбүлүкэ биллэр многоборецтара Николай Николаев, Николай Иванов уонна Давид Дмитриев буола сылдьыбыттара.
Дуоҕа Боотур диэн кимий диир буоллахха, 17-ис үйэҕэ олоро сылдьыбыт, Дыгын Дархан чугас аймаҕа Дуоҕа Боотур, Хаҥалас улууһуттан 80-ча киһилээх, Кэбээйи улууһун Лүүчүн сиригэр бултаах-алтаах сирдэри көрдөөн,көһөн тиийэн олохсуйбут. Олохтоох сахалары түмэн, Орто Бүлүү улууһун тэрийбит киһинэн ааҕыллар. Дуоҕа Боотур уруулара Бүлүү, Кэбээйи улуустарын нэһилиэктэрин төрүттээччилэр буолбуттарын элбэх үһүйээннэр уонна архыып докумуоннара туоһулууллар.
Николай Павлов, “Саха” НКИХ режиссера, “Дуоҕа Боотур” УоТ бэрэссэдээтэлэ:
—2015 сыллаахха Саха сирин араас муннуктарыгар олорор Кэбээйи Мукучутуттан төрүттээх эр дьон мустаммыт, “Дуоҕа Боотур” уопсастыбаннай тэрилтэ тэриммиппит. Ол сайын Мукучуга Кэбээйи улууһун ыһыаҕа буолбута. Онно дьоммутугар-сэргэбитигэр уоттаах-күөстээх күрэхтэһии тэрийэн сэргэхситиэххэ диэн, “Дуоҕа Боотур оонньууларын” тэрийбиппит. Бүлүү умнаһын улуустарыгар Дыгын оонньуулара курдук күрэхтэһии суох диэн многоборье оҥорбуппут. Бастаан бэйэбит үппүтүнэн бырахсан бириис булбуппут. Кэлин нэһилиэктэр салалталара тэрээһиҥҥэ кыттыспыттара. Быйыл Дуоҕа Боотур дьоно-сэргэтэ олорбут сирдэригэр Бүлүү Тааһаҕарыгар ыытабыт. Сүрүн бирииһи дьаһалта туруорар. Үөһээ Бүлүү Кырыкыйыгар элбэх дьон Мукучуттан төрүттээх буолан, кинилэри ыҥырдыбыт. Кэлин күрэхтэһиибитин өрөспүүбүлүкэтээҕи таһымҥа таһаарыахпытын баҕарабыт.
Бүлүү уонна Кэбээйи улууһуттан төрүттээх боотурдары уоттаах-күөстээх күрэхтэһиигэ кэлэн кыттаргытыгар ыҥырабыт.
ВИДЕО
От ыйын 1-2 күннэригэр Бүлүү улууһугар, Тааһаҕарга, “Дуоҕа Боотур оонньуулара-2018” саха многоборьетыгар күрэхтэһии төрдүс төгүлүн ыытыллыа.
2015 сылтан саҕалаан Бүлүү уонна Кэбээйи улууһун күүстээх боотурдара үс төгүл үскэ, мас тардыһыытыгар, тутум эргииргэ, хапсаҕайга, сахалыы оҕунан ытыыга, 400 миэтэрэҕэ сүүрүүгэ уонна таас көтөҕүүтүгэр киирсэн, муҥутуур кыайыылааҕы быһаарсаллар. Кыайыылаах 150 000 солкуобай уу харчынан наҕараадаланар. Сүрүн судьуйанан норуоттар икки ардыларынааҕы кылаастаах судьуйа Алексей Мостахов буолара, күрэхтэһиини илэ бэйэтинэн иилээн-саҕалаан ыытара уоту-күөһү өссө күүскэ күөдьүтэр.
Күрэхтэһиини “Дуоҕа Боотур” уопсастыбаннай тэрилтэ сыл аайы ыытар.
Күрэхтэһии 2015 сыллаахтан са5алаан Кэбээйи Мукучутугар, Бүлүү Хампатыгар уонна Бороҕонугар ыытылла сылдьыбыт. “Дуоҕа Боотур” муҥутуур кыайыылааҕынан өрөспүүбүлүкэ биллэр многоборецтара Николай Николаев, Николай Иванов уонна Давид Дмитриев буола сылдьыбыттара.
Дуоҕа Боотур диэн кимий диир буоллахха, 17-ис үйэҕэ олоро сылдьыбыт, Дыгын Дархан чугас аймаҕа Дуоҕа Боотур, Хаҥалас улууһуттан 80-ча киһилээх, Кэбээйи улууһун Лүүчүн сиригэр бултаах-алтаах сирдэри көрдөөн,көһөн тиийэн олохсуйбут. Олохтоох сахалары түмэн, Орто Бүлүү улууһун тэрийбит киһинэн ааҕыллар. Дуоҕа Боотур уруулара Бүлүү, Кэбээйи улуустарын нэһилиэктэрин төрүттээччилэр буолбуттарын элбэх үһүйээннэр уонна архыып докумуоннара туоһулууллар.
Николай Павлов, “Саха” НКИХ режиссера, “Дуоҕа Боотур” УоТ бэрэссэдээтэлэ:
—2015 сыллаахха Саха сирин араас муннуктарыгар олорор Кэбээйи Мукучутуттан төрүттээх эр дьон мустаммыт, “Дуоҕа Боотур” уопсастыбаннай тэрилтэ тэриммиппит. Ол сайын Мукучуга Кэбээйи улууһун ыһыаҕа буолбута. Онно дьоммутугар-сэргэбитигэр уоттаах-күөстээх күрэхтэһии тэрийэн сэргэхситиэххэ диэн, “Дуоҕа Боотур оонньууларын” тэрийбиппит. Бүлүү умнаһын улуустарыгар Дыгын оонньуулара курдук күрэхтэһии суох диэн многоборье оҥорбуппут. Бастаан бэйэбит үппүтүнэн бырахсан бириис булбуппут. Кэлин нэһилиэктэр салалталара тэрээһиҥҥэ кыттыспыттара. Быйыл Дуоҕа Боотур дьоно-сэргэтэ олорбут сирдэригэр Бүлүү Тааһаҕарыгар ыытабыт. Сүрүн бирииһи дьаһалта туруорар. Үөһээ Бүлүү Кырыкыйыгар элбэх дьон Мукучуттан төрүттээх буолан, кинилэри ыҥырдыбыт. Кэлин күрэхтэһиибитин өрөспүүбүлүкэтээҕи таһымҥа таһаарыахпытын баҕарабыт.
Бүлүү уонна Кэбээйи улууһуттан төрүттээх боотурдары уоттаах-күөстээх күрэхтэһиигэ кэлэн кыттаргытыгар ыҥырабыт.
Николай Попов, «Саха сирэ» хаһыат, edersaas.ru
