29 Кулун тутар 29.03
  • -12°
  • $ 92,26
  • 99,71

Үтүө санааланыы чэрчитинэн

10:30, 25 февраля 2016
Текст:
Читайте нас на
Яндекс Новости
ЯДВ

Капитоновка бөһүөлэгэр баар В.И. Кононов аатынан кырдьаҕастар уонна инбэлииттэр олорор интернат-дьиэлэригэр бүгүн сэргэх күн үүммүт. Кинилэргэ, үтүө санааланыы чэрчитинэн, Дьокуускайдааҕы культура уонна искусство коллеһын «Социальнай-культурнай хайысханан үлэлээһин» отделениетыгар кэтэхтэн үөрэнэр үһүс куурус устудьуоннара ыалдьыттаабыттар.

Устудьуоннар «Нереальное немое кино» диэн театральнай туруорууларын интернат олохтоохторо улаханнык астынан көрбүттэрин туһунан колледж методиһа Василий Бачиев СИА-ҕа иһитиннэрдэ.

«Устудьуоннар саҥата суох хамсаныынан көрдөрүллэр киинэнэн, былыргы олоҕу аныгы үйэни кытта алтыһыннарыыларын, хараҥаны сырдык кыайарын ситимнээн арыйыылара интернат олохтоохторун санааларын көтөхтө, бөҕөргөттө. Сонун туруорууну көрбүт дьон, артыыстарга ытыстарын тыаһын харыстаабатылар. Сорохтор: «Испэктээкил диэни көрбөтөх ыраатта. Хата, бүгүн, дуоһуйа сынньанныбыт. Буолан баран, былыргы киинэни көрбүт саҕа сананныбыт. Эдэр сааспытын эргиттибит», — диэн махтанааччы элбэх буолла. Онтон СР культура туйгуна, СР ыччат политикатын туйгуна, куурус куратора Михаил Степанов колледж үлэтин-хамнаһын туһунан кэпсээбитин улаханнык сэргээн иһиттилэр,» — диэтэ Василий Афанасьевич.

Кини кэпсээбитинэн, үтүө санааланыы акциятын тэрийэргэ бу интернат-дьиэҕэ баар «Гармония» культура уонна сынньалаҥ Киинин салайар, колледж устудьуона Акулина Скрябина көҕүлээбит. Устудьуоннар тута үөрүүнэн сөбүлэспиттэр. Бүгүҥҥү сырыыларыттан астынан, устудьуоннар маннык тэрээһин салҕанарыгар баҕарбыттар.

Следите за самым важным и интересным в Telegram-канале и WhatsApp-группе ЯСИА