Төбүлэх орто оскуолатын уолаттара күһүҥҥү сынньалаҥнарын «Байанай-2019» күрэхтэһиинэн саҕалаатылар. Оллоон бэлэмигэр, ойбону алларыыга, чэйи оргутууга, салаасканан соһууга, балыктааһыҥҥа, сыалы ытыыга, викторинаҕа, туут хайыһарынан сүүрүүгэ, хомуур хапсаҕайга кииристилэр.
Төбүлэххэ уолаттар тоҕус түһүмэххэ күрэхтэстилэр. Бастакы хамаанда (хамандыыр –Петя Никулин, 11 кылаас, сал. Никулин И. А.), иккис хамаанда (хамандыыр – Лёня Соркомов, 9 кылаас, сал. Соркомов И. Е.). Күрэхтэһии быыһыгар минньигэс амтаннаах миин истилэр.
Бэрт эрийсиилээх, сүүрүүлээх-көтүүлээх, сымса туттунуулаах, кыраҕы харахтаах түһүмэхтэр кэннилэриттэн бастакы хамаанда инники түстэ, иккискэ Лёня Соркомов хамаандата буолла. Кинилэргэ мэтээл, харчынан бириэмийэ туттарылынна.
Маны таһынан улахан балыгы хаптаран Кирилл Егоров, бастакы балыгы хаптаран Ярик Старков бириис ыллылар.
Ааптар: Людмила СТРУЧКОВА, https://ulus.media
