Сынньана барыах иннинэ Быыһыыр сулууспаҕа бэлиэтэнэр наадалаах

Россия ЫБММ кылаабынай управлениета туристар сынньалаҥҥа баралларыгар Саха сирин Быыһыыр сулууспатыгар регистрацияны ааһарга сүбэлиир.

Дьон сынньана барар сирэ туох уратылааҕын, туох куттал баарын, күн-дьыл туруга хайдах буолуоҕун, тугу илдьэ барар наадалааҕын туһунан Быыһыыр сулууспа үлэһиттэрэ сиһилии быһаарыахтара, кэпсиэхтэрэ.

Барар сир хайысхатын туһунан иһитиннэриини телефонунан, сулууспа дьиэтигэр кэлэн эбэтэр электроннай почтанан ыытыахха сөп.

Манна хас киһи сынньана барарын, толору аатын-суолун, бөлөҕү ким салайарын, туризм тэрилтэтин аатын, аадырыһын, телефоннарын толору ыйыахтаахтар.

Куттал суоһаатаҕына, иэдээн буоллаҕына быыһыыр сулууспа тута көрдүүр-быыһыыр үлэни тэрийэр.

Өскөтүн бу сулууспаҕа регистарцияламмакка сынньана тиийэн баран, иэдээҥҥэ түбэстэххэ, туристар ханна тиийбиттэрин быһаарарга элбэх күн-дьыл, бириэмэ баранар. Иэдээн тахсыбытын туһунан иһитиннэрэргэ аймахтар ким ханна, хаһыа буолан барбыттарын билбэт түбэлтэлэрэ элбэх.

Туристар бөлөхтөрүн маннык аадырыстарынан регистрациялыахха сөп:

Дьокуускай к., Лермонтов аат.уул., 22/1, телефон: 8(4112) 22-65-90.

Нерюнгри к. Быыһыыр-көрдүүр этэрээт, телефон: 8-914-242-0380.

Томмот к., Быыһыыр-көрдүүр этэрээт, телефон: 8(41145) 4-41-01.

Орто Халыма к.: 8-914-285-7909.

Электроннай почта аадырыһа: kcc-caxa@yandex.ru.