Бүгүн, муус устар 7 күнэ 2021 сыл. Чочу нэһилиэгэр кэриэстэбил күн. Бүтүн Саха сирэ барыта курутуйар… «2003 сыл муус устар 7 күнэ. Ким сэрэйбитэ баарай, Бүлүү улууһугар Чочу орто оскуолатыгар алдьархай тахсыаҕын? Бу сааскы күн үтүө сарсыардатыгар үөрэ-көтө үөрэнэ кэлбит 22 оҕобутун уокка былдьаппыппыт ыар сүтүкпүт, иэдээммит сүрэхпитигэр оспот бааһы хаалларда«, — диэн суруйдулар музей үлэһитэ Алексеева Галина Николаевна, бибилэтиэкэр Степанова Гелена Александровна. Кинилэр бааллара… билигин 30 — 35 саастаах буолуохтаах норуоппут эрэллэрэ…


«Сиртэн саҥа сэрбэйэн эрэр кырачааннарбыт ийэлээх аҕаларын, хаан-уруу дьоннорун, төрөөбүт нэһилиэктэрин, бүтүн норуоппут инники эрэлэ, кэскилэ этилэр. Хас биирдиилэрэ сырдык ыралаах, сайаҕас майгылаах, туһугар туох эмэ талааннаах, ураты дьоҕурдаах дьон улаатан испиттэрэ. Кинилэр истэригэр бааллара кыралары быыһыыр туһугар олохторун толук уурбут хорсун оҕолор. Бааллара дьүрүһүйэр хомус тыаһыгар абылаппыт, оһуокай этэн, хоһоон суруйан холоммут, саахымат, бокс күрэхтэһиилэригэр, «Дьоҕур» түмсүү, үөрэх предметтэрин олимпиадаларыгар, конкурстарыгар ситиһиилэммит, күннэтэ оҕо-оҕо курдук сэргэхтик күлэ-үөрэ, оонньуу-көтө сылдьыбыт оҕолор«, — Сыдыбыл олохтоохторо кэпсииллэр.

Умнуллубат баас буолан хас биирдии сүрэххэ сөҥөн сылдьар алдьархай элбэҕи толкуйдатар, толкуйдатыах да тустаах!

Салгыы музей үлэһитэ Алексеева Галина Николаевна, бибилэтиэкэр Степанова Гелена Александровна оҥорууларыгар кэриэстэбил видеону киирэн көрүҥ:

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.