Өксөкүлээх Өлөксөй аатынан норуоттар доҕордоһууларын дьиэтигэр ыам ыйын 17 күнүгэр Светлана Лукина “Айар үлэм алгыстаах аартыктара” айар киэһэтэ бэрт сэргэхтик буолан ааста.
Тэрээһиҥҥэ кыттыыны ыллылар: Анна Дьячковская, Варя Аманатова, Эрхаан, Амгаяна, Мирослав Егоров, Светлана Журавель – Лана Малагина, Николай Пестерев, Любовь Каратаева, С.А.Зверев – Кыыл Уола аатынан Национальнай үҥкүү театра, “Гулун” үҥкүү театра, “Аар аартык” үҥкүү бөлөҕө, Эдэр көлүөнэ театрын артыыстара, Августина Филиппова саҥа моделлара.
Светлана Григорьевнаҕа Саха Өрөспүүбүлүкэтин культуратын үтүөлээх үлэһитин үрдүк аата иҥэриллибитин Саха Өрөспүүбүлүкэтин култуураҕа уонна духуобунаска сайдыы министиэрстибэтин министрын солбуйааччы Владислав Левочкин туттарда.
Светлана Григорьевна Лукинаны туруорааччы-режиссеры, норуоттар, өрөспүүбүлүкэтээҕи үгүс бырайыак ааптардарын эҕэрдэлээтилэр өр сылга бииргэ үлэлээбит аҕа табаарыстара, коллегалара, хаан – уруу аймахтара. Өссө төгүл айар талааннаах бииргэ үлэлиир коллегабытын үлэтэ үрдүктүк сыаналаммытынан эҕэрдэлиибит!
