Быйылгы күһүҥҥү кус көҥүлүн саҕаланыытыгар Сунтаар улууһун сорох сиригэр-уотугар сэдэх көтөрдөрү бултаабыттар. Ол туһунан «Сахабулт» концерн Сунтаардааҕы филиалын бэрэстэбиитэлэ Максим Афанасьев маннык кэпсиир.
Күһүҥҥү кус булдун саҕаланыытын киэһэтигэр Хоро нэһилиэгин Түөлбэ диэн күөлүгэр кустаабыт сааһыт бороҥуйга 12 устуука улахан көтөрдөр кэлбиттэрин, хаастар диэн ыппыта, биир көтөр табыллан түспүт. Онто- олох атын, үйэтигэр харахтаабатах көтөрө эбит. Ол иһин булчут тутатына «Сахабулка» биллэрбит. Максим Афанасьевич онно тахсан көрөн баран, улахан баклан диэн көтөр буоларын быһаарбыттар. Баклан диэн муора куһун бииһин ууһугар киирсэрэ биллэр. Сүнньүнэн аан дойду үрдүнэн тарҕанан үөскүүр. Арассыыйаҕа Байкал күөл, Уһук Илин эргин бу кус 6 көрүҥэ кэлэрэ биллэр. Саха сиригэр кэлбитэ өссө биллибэт.
Максим Афанасьевич этэринэн, өссө биир интэриэһинэйэ диэн эмиэ ити киэһэ Хороттон 100-тэн тахса км ыраах баар Хадан сиригэр биир сааһыт сэттэ баклантан биирин өлөрбүт. Ити Хороҕо бултаммыт баклан ханыыта эбитэ дуу, атын үөр эбитэ дуу?..
Оттон сорока Сунтаары булбутун туһунан сурах соччо суох. Мэлдьи айылҕалыын алтыһар Максим Афанасьев арай быһаас Сунтаар сэлиэнньэтин кытыытыгар иккини, Тойбохойго биири оттон бу күһүөрү Устьеҕа эмиэ биири көрбүтүн туһунан этэр.
