29 Кулун тутар 29.03
  • -14°
  • $ 92,26
  • 99,71

Сунтаарга үҥкүү дьоро киэһэтэ

11:28, 12 апреля 2016
Текст:
Читайте нас на
Яндекс Новости
ЯДВ

Ааспыт чэппиэргэ улуустааҕы «Олоҥхо» этно-култуурунай кииҥҥэ СӨ култууратын үтүөлээх үлэһитэ, сахалыы үҥкүүлэри туруорааччы С.П.Толстякова «Саха үҥкүүтүгэр үөрэх барыла» диэн саҥа кинигэтин сүрэхтэниитэ буолан ааста. Ити кэмҥэ ааптар Сима Петровна соҕуруу командировкаҕа сылдьар буолан, кыттыбата.


Кинигэҕэ оскуола оҕолорун сахалыы үҥкүүгэ уһуйуу ньымалара кэпсэнэр. Үһүс кылаастан сэттис кылаас оҕолорун эрчийиигэ туһуламмыт. Онно кини бэйэтин үлэтин уопутуттан холобурдары аҕалбыта кинигэ ис хоһоонун байыппыта саарбахтаммат. Инньэ гынан, оҕолору үҥкүү абылаҥнаах тыыныгар уһуйар, сирдиир айар куттаах дьоҥҥо үөрэтэр босуобуйа быһыытынан олус наадалаах кинигэ күн сирин көрбүт диэн сыаналыахха сөп.

Биэчэр аһыллыытыгар «Олоҥхо» этно-култуурунай киинин директора М.А.Тараярова ааптар туһунан мустубут дьоҥҥо билиһиннэрдэ. Бэйэлэрин эҕэрдэлэрин улуустааҕы култуура уонна духуобунай сайдыыга управлениетын начаалынньыгын солбуйааччы И.И.Жиркова, үөрэҕирии управлениетын начаалынньыга Г.М.Еремеев, СӨ култууратын үтүөлээх үлэһиттэрэ, «Алгыс» үҥкүү образцовай ансаамбылын (Элгээйи) уус-уран салайааччыта А.Ф.Клаки-нова, «Күн сардаҥата» образцовай үҥкүү ансаамбылын (Кутана) салайааччыта Р.Н.Никифорова о.д.а. эттилэр.

Биэчэр түмүк чааһыгар улууспут нэһилиэктэриттэн киирбит айар кэлэктииптэр бэйэлэрин талааннарын көрдөрдүлэр. Дьиҥнээх фольклор бырааһынньыга буолан ааста.

Следите за самым важным и интересным в Telegram-канале и WhatsApp-группе ЯСИА