29 Кулун тутар 29.03
  • -15°
  • $ 92,26
  • 99,71

Сунтаарга 20-30 сыллардааҕы педагогтарга анаммыт уруок мусуойга буолла

10:31, 04 октября 2019
Текст:
Читайте нас на
Яндекс Новости
ЯДВ

Аан дойдутааҕы Учуутал күнүн көрсө Сунтаар улууһун үөрэҕириитин мусуойугар ааспыт үйэ педагогтарыгар аналлаах тэрээһин буолла. 20-30 сылларга үөрэх эйгэтин биир чаҕылхай бэрэстэбиитэлэ Саввинов Архип Васильевичка анаммыт быыстапка арылынна.


Сунтардааҕы мусуой салайааччыта, улуустааҕы үөрэх управлениетын кылаабынай исписэлииһэ Альбина Григорьевна Иванова чаҕылхай педагог Архип Васильевич Саввинов олоҕун кэпсээтэ, хаартыскаларын көрдөрдө.

Архип Васильевич төрөппүт кыыһа Раиса Архиповна Саввинова күндү ыалдьыт буолла. Кини 51 сыл устата олоҕун учуутал уустук үлэтигэр анаабыт, улууспут үгүс көлүөнэ ыччатын үөрэппит үтүөлээх. Улуус олохтоохторо ытыктыыр киһилэрэ төрөппүттэрэ бэйэлэрин кэмнэригэр тутта сылдьыбыт, билигин сэдэх малларын аҕалбыт. Ыраахтааҕы саҕанааҕы иһит-хомуос, аҕатын тэтэрээттэрэ, блокноттара о.д.а. малы-салы кэлбит дьон тутан-хабан көрөн, сэҥээрдилэр, сэргээтилэр.

Учуутал күнүн көрсө бэртээхэй тэрээһин оруобуна биир уруок бириэмэтинэн, лоп курдук 45 мүнүүтэ ыытылынна.

Ааптар: Юлия АЛЕКСЕЕВА, Сунтаар улууһа

Следите за самым важным и интересным в Telegram-канале и WhatsApp-группе ЯСИА